ДЕНОВИ НА СОВРЕМЕНИОТ ЈАПОНСКИ ФИЛМ

1 НОЕМВРИ (ПЕТОК), 20:00 ч.

САМУРАЈ МАЧКА

(Nekozamurai / Samurai Cat)

Игран филм, Јапонија

2014, 100 мин., колор, ДЦП

Режија: Такеши Ватанабе, Јошитака Јамагучи (Takeshi Watanabe, Yoshitaka Yamaguchi)

Сценарио: Јуџи Нагамори, Хисакацу Куроки (Yûji Nagamori, Hisakatsu Kuroki)

Улоги: Казуки Китамура, Јосуке Асари, Јорико Догучи (Kazuki Kitamura, Yôsuke Asari, Yoriko Dôguchi)

 

Самурајот Kјутаро Мадарам порано бил суров убиец, но сега живее во сиромаштија. По подолго време, тој добива нарачка за убиство. Сепак, излегува дека целта на атентатот е малку необична и го омекнува суровиот самурај: Мадарам е ангажиран од банда – љубители на кучиња – да ја убие симпатичната бела мачка, саканото милениче на ривалската банда. Меѓутоа, откако ќе го крене мечот на мачката, самурајот не може да ја оправда постапката пред себеси, и мачката ќе го стопи неговото срце…

 

Возрасна категорија: За сите возрасти

Влезница: Бесплатен влез

 

 

2 НОЕМВРИ (САБОТА), 18:00 ч.

15 НОЕМВРИ (ПЕТОК), 18:00 ч.

ДВОЈНА НЕВОЛЈА И МАГИЧНОТО ОГЛЕДАЛО

(Unheimlich perfekte Freunde / Double Trouble and the Magical Mirror)

Игран филм, Германија

2019, 92 мин., колор, ДЦП

Режија: Маркус Х. Розенмилер

Сценарио: Нора Лемерман, Симоне Хефт

Улоги: Луис Форбах, Јона Генслен, Маргарита Бројх (Luis Vorbach, Jona Gaensslen, Margarita Broich)

 

Фридо е весело дете и, како и повеќето деца на негова возраст, малку мрзливо во училиште. Еден ден, бегајќи од расправата на неговите родители, ќе налета на магично огледало на градскиот саем. Со помош на магија ќе создаде свој двојник – кој е совршен во сè што Фридо не е. Со помош на двојникот, кој е многу добар на училиште, Фридо почнува да има сè помалку обврски. Најпрвин е многу забавно што дури ќе му ја каже својата тајна на најдобриот другар Емил сè додека сите соученици недознаат и направат сопствени двојници. Никој повеќе не оди на училиште, па откачените двојници почнуваат да доминираат. Оригиналните деца почнуваат да сфаќаат дека им недостасува стариот живот и одлучуваат да ги преземат работите во свои раце со поставување стапица што ќе ги натера двојниците навреме да се вратат во огледалото.

Награди: Kinder-Medien-Preis “Der weiße Elefant” – Best Film

Фестивали: Zlín Film Festival 2019; Giffoni Film Festival 2019

 

Возрасна категорија: сите возрасти

Влезница: 100 денари

 

 

 

АВТОР ВО ФОКУС: МИЛЧО МАНЧЕВСКИ

2 НОЕМВРИ (САБОТА), 20:00 ч.

БИКИНИ МУН 

(Bikini Moon)

Игран филм, САД / Германија / Канада

2017, 102 мин. Колор, ДЦП

Режија: Милчо Манчевски

Сценарио: Милчо Манчевски

Улоги: Кондола Рашад, Сара Голдберг, Вил Јановиц  (Condola Rashad, Sarah Goldberg, Will Janowitz)

 

Со БИКИНИ МУН ја започнуваме програмата АВТОР ВО ФОКУС: МИЛЧО МАНЧЕВСКИ по неколку поводи: 25 години од освојувањето на „Златниот лав“ на Венецискиот филмски фестивал со ПРЕД ДОЖДОТ; премиерата на неговиот најнов филм ВРБА на Филмскиот фестивал во Рим… Филмовите на Манчевски во овој кинотечен фокус ќе бидат прикажани на класична 35 мм лента, освен БИКИНИ МУН, кој што е на ДЦП носач на слика.

Бикини Мун е харизматична, темпераментна и неспокојна поранешна жена-маринец, која се враќа од Ирак и ненамерно станува центар на документарен филм, додека се обидува одново да се интегрира во општеството и да си го поврати старателството врз малата ќерка. БИКИНИ МУН има формат на лажен документарец и зборува за експлоатација на единката од страна на медиумите.

„Инспирација беше доминацијата на снимање денес – од прислушување на Големиот Брат до селфи на Фејсбук. БИКИНИ МУН – како и моите досегашни филмови – зборува за природата на вистината, лагата и илузијата.  Филмот го има мирисот на Њујорк, снимен е на повеќе локации во градот кој ми е втор дом и многу го сакам. Имаме извонредно талентирана екипа – и актерска и филмска. На овој филм се изборив за апсолутна креативна слобода, без мешање од финансиери, продуценти или политичари, со целосна доверба и хармонична соработка. Ова е еден од ретките американски филмови каде што авторот има право на фајнал кат (право на финална верзија)“, вели Манчевски за БИКИНИ МУН.

БИКИНИ МУН пред две години имаше светска премиера на фестивалот во Сао Паоло, Бразил.

 

Возрасна категорија: 16 години

Влезница: 100 денари

 

 

АВТОР ВО ФОКУС: МИЛЧО МАНЧЕВСКИ

3 НОЕМВРИ (НЕДЕЛА), 20:00 ч.

МАЈКИ

(Mothers)

Играно-документарен филм, Македонија / Франција / Бугарија

2010, 123 мин, 35 мм

Режија: Милчо Манчевски

Сценарио: Милчо Манчевски

Улоги: Ана Стојановска, Димитар Ѓорѓиевски, Владимир Јачев, Ратка Радмановиќ, Салаетин Билал, Диме Илиев

 

Две деветгодишни девојчиња даваат извештај во полиција дека ги вознемирил манијак, иако никогаш не го виделе. Тројца филмаџии снимаат ги снимаат единствените двајца жители во едно пусто село – еден постар брат и сестра кои не зборуваат еден со друг во последните 16 години. Најдени се жени-пензионерки силувани и удавени, во еден мал град. Фикцијата полека се претвора во документарен филм. МАЈКИ на Милчо Манчевски отсликува: посветеност, невнимателеност, љубов, отсутност. Преку овие жени, Манчевски ја прикажува човечката трагедија и радост. Со својата иновативна структура и омилената омнубус форма на Манчевски, трите приказни во МАЈКИ ги нагласуваат деликатните односи на вистината и на фикцијата, на драмата и на документарниот филм. Која е природата на вистината? Остра режија за современа Македонија, филмот го поттикнува гледачот да се соочи со сопствените дефиниции за филмската реалност…

МАЈКИ ги освои следниве награди: Сребрена награда за филмот како филмски феномен – Меѓународен филмски фестивал, Листапад, Белорусија, 2011; Награда за режија – LIFFE, Словенија, 2011;, Награда од критика за најдобар филм „Небојша Ѓукелиќ“ – ФЕСТ Меѓународен филмски фестивал, Белград, Србија, 2011; Специјална награда од жири – ФЕСТ Меѓународен филмски фестивал, Белград, Србија, 2011; ФЕДЕОРА награда – Меѓународен филмски фестивал Синема Сити, Нови Сад, Србија, 2011…

 

Возрасна категорија: 14 години

Влезница: 100 денари

 

4 НОЕМВРИ (ПОНЕДЕЛНИК), 19:00 ч. (Галерија на Кинотека)

БАУХАУС ИМАГИНИСТА / BAUHAUS IMAGINISTA
Bauhaus imaginista е опсежен меѓународен проект по повод стогодишнината од школата со фокус на неговата меѓународна распространетост и рецепција.

 

ОТВОРАЊЕ НА ИЗЛОЖБАТА
Оваа патувачка изложба обединува идеи, истражувања и документација од bauhaus imaginista. Уметникот Лука Фрај разви структура – делумно скулптура, делумно изложбена архитектура – како простор, во кој посетителите можат подлабоко да се запознаат со повеќе различни рамништа на проектот. Таа опфаќа кураторско истражување, текстови и слики од четирите поглавја, како и документација за меѓународната програма на bauhaus imaginista од 2018 година.
Во центарот на инсталацијата има компјутерски терминал, каде посетителите можат да го разгледаат онлајн-списанието на баухаус имагиниста (bauhaus imaginista) и да отпечатат слики и текстуален материјал со цел да ги соберат во папките, предвидени за тоа. Посебна филмска програма покажува лично изработени дела од современи уметници и научници и научнички: Зви Ефрат, Кадер Атија, Групата Отолит и Венделиан ван Олденбург на теми и приказни од Баухаус.

 

ЗА БАУХАУС ИМАГИНИСТА / BAUHAUS IMAGINISTA
Проектот Баухаус имагиниста (Bauhaus imaginista) по повод јубилејот „100 години Баухаус“ претставува соработка на кооперацијата Баухаус Берлин Десау Вајмар, Гете-институтот и Домот на културите на светот.  Тој е финансиран од Министерството за надворешни работи и Сојузната фондација на културата. Куратори на проектот се Марион од Остен и Грант Ватсон во соработка со меѓународен тим од научници.

 

 

4 НОЕМВРИ (ПОНЕДЕЛНИК), 18:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ПУТИНОВИТЕ СВЕДОЦИ

(Putin’s witnesses)

Документарен филм, Русија

2018, 102 мин., колор, ДЦП

Режија: Виталиj Мански (Vitaliy Manskiy)

Сценарио: Виталиj Мански (Vitaliy Manskiy)

Улоги: Владимир Путин (Vladimir Putin), Михаил Горбачов (Mikhail Gorbachov), Виталиј Мански (Vitaly Mansky)

 

Настаните започнуваат на 31 декември 1999 година, кoга во Русија се избра нов претседател. Документарниот филм е заснован на уникатните документирани сведоштва за вистинските причини и последици од операцијата „Наследник“, по кои Русија го испрати во заборав претседателот кој владееше со земјата. Главни протагонисти во филмот се Борис Елцин, Михаил Горбачов, Владимир Путин и руската нација, која отсекогаш била нем сведок на својата судбина. Филмот на Мански е редок и автентичен поглед над младиот Путин и големата политичка машинерија зад него која му донесе огромна моќ.

Фестивали и награди: Karlovy Vary IFF 2018 – Најдобар документарен филм; Stockholm Film Festival 2018 – Најдобар документарен филм; Camden International Film Festival 2018 – Специјална награда за авторот; Antenna IDF Sydney 2018, Australia – Филм на отворање…

 

Возрасна категорија: 12 години 

Влезница: 100 денари

 

 

4 НОЕМВРИ (ПОНЕДЕЛНИК), 20:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

СОЖАЛУВАЊЕ

(Oiktos / Pity)

Игран филм, Грција

2018, 97 мин., колор, ДЦП

Режија: Бабис Макридис (Babis Makridis)

Сценарио: Ефтимис Филипу, Бабис Макридис (Efthymis Filippou, Babis Makridis)

Улоги: Јанис Дракопулос, Еви Саулиду, Павлос Макридис (Yannis Drakopoulos, Evi Saoulidou, Pavlos Makridis)

 

Ова е симпатична приказна за еден човек кој е среќен единствено кога е несреќен, човек зависен од тагата и страдањето и кој има болна потреба од сожалување, па затоа е подготвен тоа да го изнуди од луѓето на секаков можен начин.

„Ова е приказна за човек во свет кој не е доволно суров кон него“ – со право гласи слоганот на филмот, кој е уште еден бисер во надоаѓачкиот „чуден бран“ на грчката кинематографија, сценаристички потпишан од Ефтимис Филипу, авторот на „лудите“ филмови на Јоргос Лантимос, кои постигнаа завиден интернационален успех во изминатиот период.

Фестивали и награди: Hellenic Film Academy Awards 2019 – Најдобар филм и звук; Luxembourg City Film Festival 2018 – Награда од критиката; Odessa International Film Festival 2018 – Најдобар филм и режисер; Torino Film Festival 2018 – Најдобар филм од ФИПРЕСЦИ…

 

Возрасна категорија: 12 години 

Влезница: 100 денари

 

 

5 НОЕМВРИ (ВТОРНИК), 18:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

АЛЕКСИ

(Aleksi)

Игран филм, Хрватска

2018, 90 мин., колор, ДЦП

Режија: Барбара Векариќ (Barbara Vekarić)

Сценарио: Барбара Векариќ (Barbara Vekarić)

Улоги: Тихана Лазовиќ, Горан Марковиќ, Леон Лучев, Себастијан Каваца (Tihana Lazović, Goran Marković, Leon Lučev, Sebastian Cavazza)

 

Алекси е 28-годишна девојка која ги игнорира своите обврски и се впушта во различни животни експерименти. Штотуку вратена од Берлин на имотот на нејзините родители во Далмација, таа се бара себеси низ познатата животна максима „секс, дрога и рокенрол“. Низ прекрасна фотографија и одлични сценаристички решенија, филмот на Векариќ ни ја прикажува новата хрватска кинематографија во поинаква светлина, со оваа „feel good“ приказна за една „шминкерка“, која е растргната меѓу три интересни мажи на различни возрасти и која само навидум не знае што сака.

Фестивали и награди: Pula film festival 2018 – Филм на отворање; Belgrade FEST International Film Festival 2019 – Најдобар дебитантски филм…

 

Возрасна категорија: 12 години 

Влезница: 100 денари

 

 

 

5 НОЕМВРИ (ВТОРНИК), 20:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ЧОВЕКОТ КОЈ ГИ ИЗНЕНАДИ СИТЕ

(Человек, который удивил всех/ The man who surprised everyone)

Игран филм, Русија

2018, 105 мин., колор, ДЦП

Режија: Алексеј Чупов, Наталија Меркулова (Aleksey Chupov, Natalya Merkulova)

Сценарио: Алексеј Чупов, Наталија Меркулова (Aleksey Chupov, Natalya Merkulova)

Улоги: Евгениј Циганов, Наталија Кудрашова, Јуриј Кузнецов (Evgeniy Tsyganov,Natalya Kudryashova, Yuriy Kuznetsov)

 

Егор е бестрашен човек од сибирската тајга. Тој е семеен човек, почитуван од заедницата, кој очекува второ дете со саканата сопруга. Откако ќе му биде дијагностициран рак, тој ќе се обиде да ја измами смртта, земајќи сосема нов идентитет. Околината со тешкотии го прифаќа новиот Егор…

Ова е уште едно моќно дело од новото руско кино, кое на суптилен начин си поигрува со темата „идентитет“, подарувајќи ѝ на публиката неверојатни изненадувања, поради што досега собра дури 19 фестивалски награди низ светот.

Фестивали и награди: Russian guild of film critics 2019 – Најдобар актер; Crossing Europe film festival 2019 – Најдобар филм; Honfleur film of Russian cinema 2018 – Најдобар филм, актер и актерка; Venice film festival 2018 – Најдобрa актерка (Horizon award)…

 

Возрасна категорија: 12 години 

Влезница: 100 денари

 

 

 

6 НОЕМВРИ (СРЕДА), 18:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ПРАСЕТО

(The Pig)

Игран филм, Бугарија, Романија

2018, 96 мин., колор, ДЦП

Режија: Драгомир Шолев (Dragomir Sholev)

Сценарио: Мартин Илиев, Драгомир Шолев (Martin IlIev, Dragomir Sholev)

Улоги: Румен Георгиев, Андреа Захариев, Христофор Нетков (Rumen Georgiev, Andrea Zahariev, Hristofor Nedkov)

 

13-годишниот Румен секојдневно е малтретиран од соучениците во училиштето. Како аутсајдер, осаменик и интровертен, тој никогаш не се осмелува да возврати. Но, еден ден, црвената линија е премината и следува фаталниот напад чиј краен резултат е сосема неизвесен. Снимен претежно со камера од рака, филмот на Шолев – на неверојатно уверлив начин – влегува во интимата на еден тинејџер, чиј свет може комплетно да се сруши доколку не погледне длабоко во себе и не пронајде сила да излезе на површина, онаму каде што внатрешните демони ништо не му можат.

Фестивали и награди: 23th Sofia film festival 2019 – Најдобар бугарски филм, Специјална награда од жирито, ФИПРЕСЦИ награда за најдобар филм…

 

Возрасна категорија: 12 години 

Влезница: 100 денари

 

 

6 НОЕМВРИ (СРЕДА), 20:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ЉУБОВЕН АВТОМОБИЛ

(Lovemobil)

Документарен филм, Германија

2019, 106 мин., колор, ДЦП

Режија: Елкe Маргарете Леренкраус (Elke Margarete Lehrenkrauss)

Сценарио: Елкe Маргарете Леренкраус (Elke Margarete Lehrenkrauss)

Кинематографер: Криштоф Роршајд (Christoph Rohrscheidt)

 

Додека се враќала со автомобил кон дома некаде на северот на рурална Германија, авторката на филмов крај патот ги гледала старите карвани украсени со кичести светла, во кои се практикува најстариот занает на светот – тука, крај автопатот… Таа гротескна слика авторката не можела никако да ја извади од глава и решила да им даде глас на жените кои усреќиле многумина во ноќите исполнети со блуд и разврат. Проститутки од Источна Европа и Африка се обидуваат да преживеат во овој суров свет, секоја од нив со своја причина и приказна зошто ја работи најстарата професија на светот, сѐ додека една од нив не биде брутално убиена… Ова е филм за микрокосмос кој го опишува општеството пред самиот завршеток на глобализираниот капитализам.

Фестивали и награди: Locarno film festival 2018 – во компетиција; DOK.fest Munchen 2019 – во компетиција…

 

Возрасна категорија: 12 години 

Влезница: 100 денари

 

 

7 НОЕМВРИ (ЧЕТВРТОК), 18:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ТАТКОТО

(Bashtata / The Father)

Игран филм, Бугарија / Грција

2019, 87 мин., колор, ДЦП

Режија: Кристина Грозева, Петар Валчанов (Kristina Grozeva, Petar Valchanov)

Сценарио: Кристина Грозева, Дечо Таралежков (Kristina Grozeva, Decho Taralezhkov)

Улоги: Иван Барнев, Иван Савов, Тања Шахова (Ivan Barnev, Ivan Savov, Tanya Shahova)

 

Васил само што ја загуби долгогодишната партнерка, неговата сопруга Валентина. По надреалниот случај со мобилниот телефон за време на погребот, тој ќе се обиде да стапи во контакт со жена му на оној свет со помош на видовит човек. Синот Павел се обидува да го вразуми, но Васил е тврдоглав и сака да ја истера работата до крај.

ТАТКОТО е интимна семејна драма за неможноста за комуникација со луѓето кои се најблиску до нас. Бугарскиот режисерски тандем на супериорен начин ни прикажува секојдневни животни моменти, доведувајќи ги до комично-апсурдни ситуации, пристап кој им ја донесе главната награда на фестивалот во Карлови Вари минатиот јули.

Фестивали и награди: Karlovy Vary International Film Festival 2019 – Најдобар филм; Sakhalin International Film Festival 2019 – Најдобар режисер и награда од публиката; El Gouna International Film Festival 2019 – во компетиција…

 

Возрасна категорија: 12 години 

Влезница: 100 денари

 

7 НОЕМВРИ (ЧЕТВРТОК), 20:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ПАНДОРИНАТА КУТИЈА

(Pandora’nin kutusu / Pandora’s box)

Игран филм, Турција

2008, 112 мин., колор, ДЦП

Режија: Јешим Устаоглу (Yeşim Ustaoğlu)

Сценарио: Сема Кајгусуз, Јешим Устаоглу (Sema Kaygusuz, Yeşim Ustaoğlu)

Улоги: Сила Челтон, Дерја Алабора, Онур Унсал (Tsilla Chelton, Derya Alabora, Onur Ünsal)

 

Кога старата Нусрет заболува од Алцхајмерова болест, тоа е аларм за нејзините три деца да дојдат во местото каде што се родиле и израснале – и да ја донесат мајка си во Истанбул за да можат да се грижат за неа. Но со тоа, многу набргу, се отвора нивната семејна „Пандорина кутија“, и на површина излегуваат сите длабоко скриени и потиснати тајни помеѓу нив. Овој филм е филмот кој ги воодушеви сите на престижниот фестивал во Сан Себастијан, а критичарите во написите ја споредуваат филозофијата на режисерката Устаоглу со големите мислители на 20 век – Хајдегер и Дерида.

Фестивали и награди: San Sebastián International Film Festival 2008– Најдобар филм и актерка; Amiens International Film Festival 2008 – Најдобра актерка; Adana Film Festival 2009 – Најдобра споредна машка улога и монтажа; Istanbul International Film Festival 2009 – Најдобра актерка…

Возрасна категорија: 12 години 

Влезница: 100 денари

 

 

8 НОЕМВРИ (ПЕТОК), 20:00 ч.

РЕТРОСПЕКТИВА НА КИНЕНОВА 2019: НАГРАДЕНИ ФИЛМОВИ

ПАТУВАЊЕ ДО СОНЦЕТО

(Günese Yolculuk / Journey to the sun)

Игран филм, Турција

1999, 104 мин., колор, ДЦП

Режија: Јешим Устаоглу (Yeşim Ustaoğlu)

Сценарио: Јешим Устаоглу (Yeşim Ustaoğlu)

Улоги: Назми Кирик, Невруз Баз, Мизгин Капазан, Ара Ѓулер (Nazmi Kırık, Nevruz Baz, Mizgin Kapazan, Ara Güler)

 

Мехмет, млад турски мигрант од селото Тире, се вработува како пронаоѓач на вода под улиците на Истанбул. При едно недоразбирање, тој е заменет со Курд, и неправедно е претепан и затворен. Иако пуштен по една недела, губи сè што имал – станот, работата, девојката во која е вљубен… Откако еден негов курдски пријател е убиен, тој го носи телото на пријателот во неговото село на границата со Ирак, и полека сфаќа зошто толку многу Курди се расеани како бегалци низ светот…

Фестивали и награди: Ankara International Film Festival 1999 – Најдобар филм, сценарист, режисер и актерка; Berlin Film Festival 1999 – Награди „Blue angel“ за најдобар европски филм и „Peace film award“; Интернационален фестивал на филмската камера „Браќа Манаки“ – Битола, 1999 – Најдобар кинематографер Јацек Петрицки (Jacek Petrycki); Istanbul International Film Festival 1999 – Најдобар филм, режисер, ФИПРЕСЦИ и награда од публиката…

 

Возрасна категорија: 12 години 

Влезница: 100 денари 

 

ГЕРМАНСКИ ФИЛМОВИ ПО ПОВОД ДЕНОТ НА ОБЕДИНУВАЊЕТО

9 НОЕМВРИ (САБОТА), 14:00 Ч.

УЛИЦАТА БОРНХОЛМЕР

(Bornholmer Straße)

Игран филм, Германија

2014, 88 мин., колор, ХД

Режија: Кристијан Швохоу (Christian Schwochow)

Сценарио: Хајде Швохоу, Рајнер Швохоу, според книгата на Герхард Хасе-Хинденберг (Heide Schwochow, Rainer Schwochow, Gerhard Haase-Hindenberg)

Улоги: Чарли Хубнер, Милан Пешел, Улрих Матес (Charly Hübner, Milan Peschel, Ulrich Matthes)

 

Комичен поглед на уривањето на берлинскиот ѕид во ноември 1989 година. Приказната е раскажана од гледна точка на германските граничари позиционирани на контролниот пункт на улицата „Борнхолмер“, каде што и започнала историјата на обединета Германија…

 

Возрасна категорија: за сите возрасти

Влезница: бесплатен влез

 

 

9 НОЕМВРИ (САБОТА), 17:00 Ч.

ЗБОГУМ ЛЕНИН!

(Good Bye Lenin!)

Игран филм, Германија

2003, 121 мин., колор, ДЦП

Режија: Волфганг Бекер (Wolfgang Becker)

Сценарио: Бернд Лихтенберг, Аким фон Борис (Bernd Lichtenberg, Achim von Borries)

Улоги: Даниел Брил, Катрин Сас, Чулпан Хаматова (Daniel Brühl, Katrin Saß, Chulpan Khamatova)

 

Филмот се одвива во Источен Берлин, непосредно пред падот на ѕидот што го дели градот. Алекс Кернер (Даниел Брил) заедно со неговите сонародници биле горди кога првиот човек од Источна Германија, Сигмунд Јен, заминал во вселената. Алекс живее со својата сестра Аријан, мајката Кристијане и малата ќерка на Аријан, Пол. Нивниот татко избегал на Запад во 1978 година и го напуштил семејството. Во негово отсуство, Кристијан станува екстремен идеалист и ја поддржува владејачката Партија на социјалистичкото единство на Германија.

Алекс учествува во антивладините демонстрации, каде што случајно се сретнува со девојка, но е разделен од полицијата пред да се запознаат. Кристијана случајно поминува и кога гледа дека нејзиниот син е уапсен доживува срцев удар и паѓа во кома. Полицијата не му дозволува на Александар да ѝ помогне на мајка си и го приведува, но подоцна тој е пуштен и оди во болница за да ја посети. Додека е во посета на својата мајка, Алекс повторно ја среќава девојката од демонстрациите и дознава дека се вика Лара. Таа е млада медицинска сестра од Советскиот Сојуз, која моментално се грижи за неговата мајка. Алекс е фасциниран од неа. За кратко време тие почнуваат да се гледаат и стануваат многу блиски. Набрзо потоа се случува падот на Берлинскиот ѕид. Капитализмот навлегува во Источен Берлин и Алекс го губи работното место. Но, поголема грижа му е мајката, која е „болна“ по социјализмот, и не смее да дознае дека Источна Германија веќе не постои…

Филмот ја доби британската награда БАФТА, беше номиниран за Оскар во категоријата неанглиско говорно подрачје, како и најдобар европски филм за наградата Златен глобус, а ја има добиено наградата за најдобар филм од Европската унија.

 

Возрасна категорија: сите возрасти 

Влезница: бесплатен влез

 

 

9 НОЕМВРИ (САБОТА), 19:00 Ч.

НЕБОТО НАД БЕРЛИН

(Der Himmel über Berlin / Wings of Desire)

Игран филм, Германија / Франција

1987, 128 мин., колор и црно-бел, блуреј

Режија: Вим Вендерс (Wim Wenders)

Сценарио: Вим Вендерс, Петер Хандке, Рихард Рајтингер (Wim Wenders, Peter Handke, Richard Reitinger)

Улоги: Бруно Ганц, Солве Домартен, Ото Сандер, Питер Фалк, Курт Боис (Bruno Ganz, Solveig Dommartin, Otto Sander, Peter Falk, Curt Bois)

Што е тоа што луѓето го знаат, а не го знаат ангелите? Вендерсовиот безвремен филм за гледањето е филм во кој протагонисти не се луѓето, туку ангелите чиј мирољубив поглед заедно со тој на камерата даваат една поинаква перспектива (или можност) за гледање на светот. Ангелите во „Небото над Берлин“ на Вендерс се добри, невидливи суштества кои го набљудуваат светот и ги слушаат мислите на смртниците обидувајќи се да ги утешат. Еден од нив, Демиел (Бруно Ганц), посакува да стане човек и „да влезе во историјата на светот“ откако се вљубува во убавата трапезистка Марион (Солве Домартен). Питер Фалк, кој се игра себеси, му помага за време на неговата трансформација, воведувајќи го во малите задоволства на животот и на тоа „што значи да се биде човек“.

НЕБОТО НАД БЕРЛИН го обележа враќањето на Вендерс во нeговата родна Германија и е неговиот прв германски филм по осум години поминати во САД. Снимен две години пред паѓањето на Берлинскиот ѕид, филмот е омаж на „поделениот“ град од една уште понеобична перспектива, онаа на ангелите. Филмот чиј косценарист е писателот и Нобеловец Петер Хандке (Als das Kind Kind war…) ги доби наградите за Најдобар режисер на Канскиот филмски фестивал (1987) и на Европските филмски награди (1988) и оттогаш се стекна со култен статус.

 

Возрасна категорија: 12 години 

Влезница: бесплатен влез

 

 

11 НОЕМВРИ (ПОНЕДЕЛНИК), 18:00 ч.

МИЛОСТ БОЖЈА

(Grâce à Dieu / By the Grace of God)

Игран филм, Франција / Белгија

2019, 137 мин., колор, ДЦП

Режија: Франсоа Озон (François Ozon)

Сценарио: Франсоа Озон (François Ozon)

Улоги: Мелвил Пупо, Дени Меноше, Сван Арло, Ерик Караваца, Франсоа Мартуре (Melvil Poupaud, Denis Ménochet, Swann Arlaud, Éric Caravaca, François Marthouret)

 

Александар живее во Лион, бастион на француската католичка буржоазија, со својата сопруга и четири деца. Посветен на црквата, дознава дека Отец Прејнат, свештеникот кој го злоставувал додека бил дете, сѐ уште работи со деца.

Решава да преземе акција и набргу му се придружуваат уште двајца мажи, кои исто биле жртва на свештеникот. Тројцата мажи ќе работат посветено да го осудат свештеникот кој е штитен од црквата, подвиг кој ќе ги загрози врските кои тројцата мажи ги имаат со своите блиски…

 

Возрасна категорија: 16 години 

Влезница: 100 денари

 

 

БАУХАУС ИМАГИНИСТА / BAUHAUS IMAGINISTA

11 НОЕМВРИ (ПОНЕДЕЛНИК), 20:00 ч.

КАДЕР АТИА „ЗАПИСИТЕ НА ТЕЛОТО, ДЕЛ 1: ОБЈЕКТИТЕ“

(Kader Attia: „The Body’s Legacies, Part 1: The Objects“)

Филмот на Кадер Атиа се занимава со чувствителната тема на културното присвојување во времето на колонијализмот. „Постколонијалното тело дел 1: Објектите“ критички ги претставува историските периоди во кои претставници на колонијалистичките сили или мисионери присвојувале објекти од незападните општества и ги носеле во западните земји.

Покрај тоа, филмот ја истражува подоцната реакција на некогаш колонијализираните култури и нивното барање за враќање на делата.

 

Возрасна категорија: 16 години

Влезница: бесплатен влез

 

 

12 НОЕМВРИ (ВТОРНИК), 18:00 ч.

13 НОЕМВРИ (СРЕДА), 20:00 ч.

16 НОЕМВРИ, (САБОТА), 18:00 ч.

ДВОЕН ЖИВОТ

(Doubles vies / Non-Fiction)

Игран филм, Франција

2018, 108 мин., колор, ДЦП

Режија: Оливие Асаја (Olivier Assayas)

Сценарио: Оливие Асаја (Olivier Assayas)

Улоги: Гијом Кане, Жилиет Бинош, Винсент Макењ, Нора Хамзави (Guillaume Canet, Juliette Binoche, Vincent Macaigne, Nora Hamzawi)

 

Успешниот париски издавач Алан, кој се труди да се прилагоди во дигиталната револуција, се двоуми околу објавувањето на најновиот ракопис на својот долгогодишен пријател, Леонардо, боемски автор кој во своите раце има уште една автофикција за афера со славна личност. Додека се борат со својата средовечност, технолошките промени и односите со своите жени, издавачот и авторот се во поголеми проблеми отколку што претпоставуваат.

 

Возрасна категорија: 16 години 

Влезница: 100 денари

 

 

АВТОР ВО ФОКУС: МИЛЧО МАНЧЕВСКИ

12 НОЕМВРИ (ВТОРНИК), 20:00 ч.

СЕНКИ

(Shadows)

Игран филм, Македонија / Германија / Италија / Шпанија

2007, 129 мин., колор, 35 мм

Режија: Милчо Манчевски

Сценарио: Милчо Манчевски

Улоги: Борче Начев, Салаетин Билал, Ратка Радмановиќ, Весна Станојевска, Сабина Ајрула-Тозија, Диме Илиев, Петар Мирчевски

 

Успешен млад доктор, Лазар Перков (Начев), оженет за прекрасна жена со која има дете. Тој има сè – дури и неговите пријатели и роднини го нарекуваат „Лаки“. Но, изгледот некогаш залажува, па и покрај сите земски задоволства, Лазар константно се обидува да ги задоволи своите мајка, татко и незаинтересирана сопруга. Секој ден му е ист, сè додека еден ден едвај преживува тешка сообраќајна несреќа.

По закрепнувањето, Лазар се соочува со луѓе кои навидум умираат повеќе пати и секогаш ја носат истата порака: „Врати го она што не е твое. Имај почит.“ Откако Лазар сфаќа дека овие негови привидувања не се само соништа, туку дел од секојдневниот живот, тој доаѓа до заклучок дека тие се изгубени души кои сè уште не нашле мир во другиот свет, и успева да открие што всушност треба да врати.

Филмот своја премиера доживува на Меѓународниот филмски фестивал во Торонто, а прикажан е и на уште неколку други познати фестивали. СЕНКИ беше македонски кандидат за Оскар на 80-то доделување на наградите на Американската филмска академијата.

 

Возрасна категорија: 14 години

Влезница: 100 денари

 

 

13 НОЕМВРИ (СРЕДА), 18:00 ч.

ТАЈНИТЕ ФИЛМСКИ АРХИВИ НА ГРАДОТ

Краток игран филм во продукција на „Вардар филм“

 

14 НОЕМВРИ (ЧЕТВРТОК), 17:00 ч.

16 НОЕМВРИ, (САБОТА), 20:00 ч.

18 НОЕМВРИ (ПОНЕДЕЛНИК), 20:00 Ч.

19 НОЕМВРИ (ВТОРНИК), 20:00 Ч.

БЕШЕ ЕДНАШ ВО ХОЛИВУД

(Once upon a time… in Hollywood)

Игран филм, САД / Велика Британија / Кина

2019, 161 мин., колор, ДЦП

Режија. Квентин Тарантино (Quentin Tarantino)

Сценарио:  Квентин Тарантино (Quentin Tarantino)

Улоги: Леонардо ДиКаприо, Бред Пит, Маргот Роби, Емил Хирш, Ал Пачино, Дакота Фенинг (Leonardo DiCaprio, Brad Pitt, Margot Robbie, Emile Hirsch, Al Pacino, Dakota Fanning)

 

Новиот филм на Квентитн Тарантино нѐ враќа во доцните 60-ти години на минатиот век, во златното доба на Холивуд и во екот на хипи-движењето.
БЕШЕ ЕДНАШ ВО ХОЛИВУД е вистинска холивудска приказна за еден актер и за неговиот двојник, кои тргнуваат на пат за да го најдат своето место под сонцето во филмската индустрија.
Рик Далтон (ДиКаприо), поранешната ѕвезда на една телевизиска вестерн серија, и неговиот долгогодишен двојник Клиф Бат (Пит), во време на последните моменти од златното доба на Холивуд се обидуваат да дојдат до успех во градот, кој веќе не го препознаваат: во него царуваат сексот, дрогата и рокенролот. Рик има интересни соседи, популарната актерка Шерон Тејт (Роби) и нејзиниот сопруг, режисерот Роман Полански, кои лудуваат на журките на „Плејбој“ на Хју Хефнер. Во филмот ги среќаваме и Чарлс Менсон и неговите следбенички, сите во хипи-имиџот на борци за мир во светот, Брус Ли и редица други популарни ликови од контракултурата на тоа доба…

 

Возрасна категорија: 16 години

Влезница: 100 денари

 

 

ФИЛМ ПО ИЗБОР НА ГЕТЕ ИНСТИТУТ

14 НОЕМВРИ (ЧЕТВРТОК), 20.00 Ч.

БАРБАРА

(Barbara)

Игран филм, Германија

2012, 105 мин., колор, ДЦП

Режија: Кристијан Пецолд (Christian Petzold)

Сценарио: Кристијан Пецолд (Christian Petzold)

Улоги: Нина Хос, Роналд Церфелд, Јасна Фрици Бауер, Јаник Шуман, Рајнер Бок (Nina Hoss, Ronald Zehrfeld, Jasna Fritzi Bauer, Jannik Schümann, Rainer Bock)

Околу 9 години пред падот на ѕидот: Докторката од Берлин Барбара поднесува барање за излез од ГДР. Таа беше затворена и после нејзиното ослободување, летото 1980, под казна беше распоредена во една болница во провинција. Додека нејзиниот сакан од Западот го подготвува бегството преку Балтичко Море, Барбара работи во детска хирургија, често надгледувана и контролирана. Нејзиниот шеф Андре изгледа како да соработува со вработените во Службата за државна безбедност – но колку далеку би отишол во случај да се случи нешто сериозно? Тој барем го одобрува ангажманот на Барбара за младата инфериорна Стела. Дали е вљубен во својата колешка? На денот на бегството, Барбара носи делумно изненадувачка одлука.
Филмот на Кристијан Петцолд  кој на Берлиналето во 2012 г. доби награда за режија, е тивок, обичен и безусловно точен филм за животот во ГДР, далеку од идеолошките дискурси.

Возрасна категорија: 12 години

Влезница: бесплатен влез

  

 

АВТОР ВО ФОКУС: МИЛЧО МАНЧЕВСКИ

15 НОЕМВРИ (ПЕТОК), 20:00 ч.  

ПРАШИНА

(Dust)

Игран филм, В. Британија / Италија / Германија / Македонија

2001, 127 мин., колор, 35 мм

Режија: Милчо Манчевски

Сценарио: Милчо Манчевски

Улоги: Џозеф Фајнс, Дејвид Венам, Адриан Лестер, Ен Броше, Розмари Марфи, Николина Кујача, Владо Јовановски, Салаетин Билал (Joseph Fiennes, David Wenham, Adrian Lester, Anne Brochet, Rosemary Murphy, Nikolina Kujaca, Vlado Jovanovski, Salaetin Bilal)

 

ПРАШИНА раскажува две приказни истовремено и во заднината прави скокови од почетокот на 20-тиот век до американскиот современ културен момент.

На почетокот на 20-тиот век, на американскиот Запад, двајца браќа се вљубуваат во иста жена. Лилит (Броше) го одбира помладиот Елаја (Фајнс), а Лук (Венам) заминува за Европа, каде неговите демони го водат во Македонија. Македонскиот дел од приказната нè води во Македонија под отоманско ропство и приказната за борбата за гол живот. Учителот (Јовановски) е предводник на комитите, а Неда (Кујача) е пред пораѓање на нивното дете, ќерката Ангела. Сардисани од турскиот аскер, напомош им доаѓа еден каубоец, бркан од друг каубоец… Во временските скокови низ филмот се мешаат раѓањето и смртта на Ангела (Марфи) и нејзиното надмудрување со крадецот Еџ (Лестер).

Филмот е приказна за љубовта, но и за омразата, за Балканот и Америка, која доведува до фатален крај на главните ликови.

Со ПРАШИНА беше отворен Венецискиот филмски фестивал во 2001 година, шест години по триумфот на Манчевски со ПРЕД ДОЖДОТ.

 

Возрасна категорија: 14 години

Влезница: 100 денари

 

 

БАУХАУС ИМАГИНИСТА / BAUHAUS IMAGINISTA

18 НОЕМВРИ (ПОНЕДЕЛНИК), 18:00 ч.

ХОРИЗОНТ

The Otolith Group: „O Horizon“

 

Филмот „O Horizon“ е снимен на универзитетскиот кампус во Шантиникетан, Индија, и ја истражува утописката заедница и педагошкиот експеримент на Рабиндранат Тагоре.

 

Возрасна категорија: 16 години

Влезница: бесплатен влез

 

 

19 НОЕМВРИ (ВТОРНИК), 18:00 ч.

ВРАЌАЊЕТО НА ХАНА

(Wo kein Schatten fällt / Hanna’s Homecoming)

Игран филм, Германија

2018, 98 мин., колор, ХД

Режија: Естер Бијалас (Esther Bialas)

Сценарио: Лена Крумкамп (Lena Krumkamp)

Улоги: Валери Штол, Милена Чарнтке, Годехард Гизе (Valerie Stoll, Milena Tscharntke, Godehard Giese)

 

Станува збор за „coming of age“ приказна или приказна за созревањето и влегувањето во зрелото доба. Филмската екипа, темата и актерската екипа се доминантно женски.

Хана само сака да биде нормална тинејџерка. Но, со мистериозното исчезнување на нејзината мајка во мочуриштето пред десет години и новата чудна девојка во селото работите стануваат сè поопасни секој ден. После три години во интернат, Хана (14) за празниците се враќа во своето родно село. Селаните веруваат дека нејзината мајка била вештерка, која привлекла тројца мажи во мочуриштето, каде што умреле. Бидејќи никој не сака да се дружи со ќерка на вештерка, Хана е пресреќна кога ќе се здружи со популарната Ева. Се чини дека најде другарка, но нешто не е како што треба. Се случуваат чудни несреќи и нема објаснување. Што е тоа што мами во сенката на мочуриштата?

Младата актерка Валери Штол, која ја игра улогата на Хана, е позната од германската серија „Парфем“, додека една од улогите ја толкува Себастијан Хилк од популарната ТВ серија „Дарк“.

ХАНА учествуваше на следните филмски фестивали: Internationale Hofer Filmtage 2018, Nordische Filmtage Lübeck 2018, Filmfest Biberach, Exground Filmfest, Los Angeles Women’s International Film Festival 2019, The Method Fest Independent Film Festival Los Angeles 2019

Возрасна категорија: сите возрасти

Влезница: 100 денари

 

БАУХАУС ИМАГИНИСТА / BAUHAUS IMAGINISTA

20 НОЕМВРИ (СРЕДА), 19:00 ч.

ВЕНДЕЛЕН ВАН ОЛДЕНБОРГ „ДВА КАМЕНА“ И ЦВИ ЕФРАТ „НАЈУБАВИОТ КАМПУС ВО АФРИКА“

Wendelien van Oldenborgh: „Two Stones“ & Zvi Efrat „The Most Beautiful Campus in Africa“

 

„Два камена“ е создаден врз основа на истражувањата на Ван Олденборг околу животот и работата на Баухаус- архитектката Лоте Штам-Безеи нејзините траги во денешна Холандија.

„Најубавиот кампус во Африка“ е краток филм во кој критички се истражува работата на израелскиот архитект и некогашен студент на Баухаус, Арие Шарон, и неговиот нацрт за кампусот на „Лајф Јуниверзити“ во Нигерија кој беше изграден 1962 г. како дел од израелска програма за развој во Западна Африка.

 

Возрасна категорија: 16 години

Влезница: бесплатен влез

 

 

ФРАНЦУСКИ КИНО КЛУБ

20 НОЕМВРИ (СРЕДА), 20:00 ч.

ЗАВИСТ

(Jalouse /Jealous)

Игран филм, Франција

2017,  107 мин., колор ДЦП

Режија: Давид Фоенкинос, Стефан Фоенкинос (David Foenkinos, Stéphane Foenkinos)

Сценарио: Давид Фоенкинос, Стефан Фоенкинос (David Foenkinos, Stéphane Foenkinos)

Улоги: Карин Виар, Дара Томброф, Ан Дорвал (Karine Viard, Dara Tombroff, Anne Dorval)

 

Натали, средовечна разведена универзитетска професорка, драстично се менува, и од посветена мајка се претвара во завидливо чудовиштеЦелта на нејзината завист се сите нејзини блиски: најдобрата пријателка,  новата колешка, нејзиниот поранешен сопруг, па дури и нејзината прекрасна 18-годишна ќерка Матилда. Сите тие се наоѓаат во милост и немилост на нејзиното ексцентрично однесување.

Обземена од нејзината саркастична природа и спротивставените емоции, Натали се пробива низ оваа неочекувана криза на средовечноста на смешен, трогателен и политички некоректен начин.

Комедијата ЗАВИСТ е еден од најгледаните филмови во Франција во 2017 година. Главната протагонистка Карин Виар беше номинирана за неколку национални филмски награди како најдобра актерка, а го освои францускиот „Кристален глобус“.

 

Возрасна категорија: 12 години

Влезница: 50 денари

 

 

НЕДЕЛА НА ШПАНСКИ ФИЛМ

21 НОЕМВРИ (ЧЕТВРТОК), 20:00 ч.

КАКО ДА СЕ БИДЕ НОРМАЛНА ЛИЧНОСТ

(Requisitos para ser una persona normal / Requirements to Be a Normal Person)

Игран филм, Шпанија

2015, 90 мин., колор, блуреј

Режија: Летисија Долера (Leticia Dolera)

Сценарио: Летисија Долера (Leticia Dolera)

Улоги: Летисија Долера, Мануел Бурк, Силвија Мунт (Leticia Dolera, Manuel Burque, Silvia Munt)

 

Марија има 30 години, посебна жена е и има една цел – да стане нормална личност. Заради тоа мора да открие што значи да се биде нормален.

Марија е невработена и не платила кирија за станот, па мора го напушти и да се врати во куќата на родителите, со кои не е во добри односи. Нема врска со маж и во основа се смета себе си за неуспешна личност. Си ги поставува прашањата каква личност е? Дали е нормална? Што значи да се биде нормален? Тие прашања ја копкаат длабоко во душата, и откако ќе ги наведе сите услови да се стане нормална личност, ќе одлучи да ги постигне. На патот на осознавањето ќе ѝ помогне брат ѝ Алекс, 25-годишно момче со заостанат ментален развој.

Марија го запознава и Борја, момче опседнато со диети за слабеење. Двајцата ќе склопат необичен сојуз: Марија ќе му помогне на Борја да живее активен и здрав живот, а Борја ќе ѝ помогне на Марија да стане „нормална личност“.

Филмските критичари го истакнуваат префинетиот хумор на авторката и актерка Летисија Долера, препорачувајќи им го филмот на гледачите кои сакаат комедии поинакви од холивудските.

 

Возрасна категорија: 12 години

Влезница: бесплатен влез

 

 

НЕДЕЛА НА ШПАНСКИ ФИЛМ

22 НОЕМВРИ (ПЕТОК), 20:00 ч.

КИНЕСКА ПРИКАЗНА

(Un cuento chino – Chinese Take-Out)

Игран филм, Шпанија / Аргентина

2011, 93 мин., колор, ДЦП

Режија: Себастијан Боренштајн (Sebastián Borensztein)

Сценарио: Себастијан Боренштајн (Sebastián Borensztein)

Улоги: Рикардо Дарин, Муриел Санта Ана, Игнасио Хуанг (Ricardo Darín, Muriel Santa Ana, Ignacio Huang)

 

Во Буенос Ајрес живее огорчениот, но методичен Роберто, осаменик и сопственик на продавница за железарија. Хобито на Роберто е собирање бизарни вести од светот, а неговата познајничка Мари страда поради невозвратената љубов од Роберто, бидејќи тој постојано ја избегнува.

Еден ден, додека го гледа слетувањето на авионот на аеродром, Роберто здогледува Кинез кој е исфрлен од такси возилото. Му помага да стане на нозе. Кинезот се вика Јун, но не говори шпански, туку само му покажува некоја адреса истетовирана на неговата рака. Роберто го носи Јун на наведената адреса, и откриваат дека местото му припаѓало на Јуновиот чичко, кој го продал пред три и пол години. Роберто и Јун одат во полициска станица, во кинеската амбасада и во кинескиот кварт, во потрага по чичкото на Јун, но залудно.

Роберто го сместува Јун во неговата куќа и по низа инциденти го пронаоѓа доставувачот на храна кој на Роберто ќе му ја преведе од кинески на шпански  јазик драматичната животна сторија на Јун…

Возрасна категорија: 12 години

Влезница: бесплатен влез

 

 

НЕДЕЛА НА ШПАНСКИ ФИЛМ

23 НОЕМВРИ (САБОТА), 19:00 ч.

АПОСТОЛ

(O Apóstolo / The Apostle)

Анимиран филм, Шпанија

2012, 80 мин., колор, блуреј

Режија: Фернардо Кортизо (Fernando Cortizo)

Сценарио: Фернардо Кортизо (Fernando Cortizo)

Улоги: Карлос Бланко, Хосе Мануел Оливеира Пико, Паул Наши (Carlos Blanco, Xosé Manuel Olveira ‘Pico’, Paul Naschy)

 

АПОСТОЛ е долгометражен анимиран првенец на Фернандо Кортизо, а воедно и прва шпанска дигитална бурлеска снимена со техниката на 3Д стоп-анимација.

Бегалец од затвор се враќа по пленот од грабежот што го скрил неколку години претходно. Но, наместо пленот, наоѓа нешто страшно, што не би помислил ниту на сон: злокобни претци, чудни појави, духови… сите тие ќе се најдат во приказната полна со тајни, хумор и фантазија.

Фернандо Кортизо е присутен на филмската сцена од почетокот на 1990-те, најпрвин со краткиот игран филм ЧУДОВИШТЕ НА ПЛАЖА (El monstruo de la playa), а потоа му се посвети на анимираниот филм, претежно со техниката на стоп-анимација.

 

Возрасна категорија: 12 години

Влезница: бесплатен влез

 

 

НЕДЕЛА НА ШПАНСКИ ФИЛМ

23 НОЕМВРИ (САБОТА), 21:00 ч.

ДОЖДОТ ИСТО ТАКА

(También la lluvia / Even the Rain)

Игран филм, Шпанија / Мексико / Франција

2010, 103 мин., колор, блуреј

Режија: Исијар Болаин (Icíar Bollaín)

Сценарио: Пол Лаверти (Paul Laverty)

Улоги: Гаел Гарсија Бернал, Луис Тосар, Кара Елехалде (Gael García Bernal, Luis Tosar, Karra Elejalde)

 

Режисерот Себастијан и неговата филмска екипа започнуваат со снимање на контроверзен филм за Кристофер Колумбо во едно мало место во Боливија. Себастијан е од Шпанија, извршниот продуцент Коста и целата екипа се од Боливија, а темата на филмот е за истражувачкиот потфат на Колумбо и начинот на кој Шпанците се однесувале кон Индијанците пред повеќе од 5 века.

Коста го избрал токму тоа место за снимање бидејќи има тенок буџет, па планира да ангажира луѓе од локалното население како актери и статисти за малку пари. Снимањето се одвива според планираното сè додека локалното население не се побуни против приватизацијата на водените ресурси, поточно на изворите за чиста и питка вода. Еден од главните актери е на чело на протестите…

 

Возрасна категорија: 12 години

Влезница: бесплатен влез

 

 

НЕДЕЛА НА ШПАНСКИ ФИЛМ

24 НОЕМВРИ (НЕДЕЛА), 19:00 ч.

ЦРН ЛЕБ

(Pa negre / Black Bread)

Игран филм, Шпанија

2010, 108 мин., колор, блуреј

Режија: Агусти Виљаронга (Agustí Villaronga)

Сценарио: Агусти Виљаронга (Agustí Villaronga)

Улоги: Францеск Коломер, Марина Комас, Нора Навас (Francesc Colomer, Marina Comas, Nora Navas)

 

Десетгодишниот Андреа наоѓа мртви тела на еден човек и неговиот син во шумата. Локалните власти сакаат да го обвинат таткото на Андреа за ова убиство, бидејќи тоа најмногу им одговара, па детето по секоја цена се труди да го открие вистинскиот убиец.

Низ целата приказна се провлекува легендата за питоријули, духот од локалната пештера, со кого мештаните ги плашеле децата. Во личната потрага по вистината, Андреа најпрво открива дека целиот свет на возрасните е изграден на лаги, а дознава и дека духот од пештерата, всушност хомосексуалец, бил жртва на група локални силеџии. На крајот ќе открие кој ги убил сите тие луѓе и зошто, па целосно разочаран и повреден си заминува од селото. Една влијателна госпоѓа сака да го посвои и Андреа се согласува со тоа…

Драмата е сместена во Каталонија, уништена од граѓанската војна во 30-те години од минатиот век, а режисерот посебно внимание им посветил на живописните каталонски предели. ЦРН ЛЕБ е добитник на девет национални шпански филмски награди „Гоја“. Филмот на Виљаронга е и прв филм на каталонски јазик кој ги добил овие признанија, меѓу кои и најдобар филм на Шпанија за 2010.

 

Возрасна категорија: 12 години

Влезница: бесплатен влез

 

НЕДЕЛА НА ШПАНСКИ ФИЛМ

24 НОЕМВРИ (НЕДЕЛА), 21:00 ч.

МАРТИН (ЈУНИОР)

(Martín Hache)

Игран филм, Шпанија / Аргентина

1997, 123 мин., колор, ХД

Режија: Адолфо Аристараин (Adolfo Aristarain)

Сценарио: Адолфо Аристараин, Кати Сааведра (Adolfo Aristarain, Kathy Saavedra)

Улоги: Федерико Лупи, Хуан Диего Бото, Еузебио Понсела (Federico Luppi, Juan Diego Botto, Eusebio Poncela)

 

Мартин јуниор (или помладиот), викан „Хаш“ е 19-годишно момче кое, откако неговата девојка ќе го напушти, се предозира со дрога, речиси со фатални последици. Сепак тој преживува и мајка му ќе го испрати во Мадрид, да живее со татко му, Мартин. Насловот на филмот алудира на терминот „јуниор“; буквата h (се изговара hache) во шпанскиот јазик е ознака за „hijo“, што значи син, а е еквивалент за „junior“ во англискиот јазик).

Мартин сениор (или постариот) е успешен филмски творец, но не сака да се грижи за син му бидејќи сака да живее сам, но и затоа што неговите двајца пријатели, Алисија и Данте, по малку експериментираат со уживањето во дрогите. Сепак, без оглед на тоа, го прима синот во домот, надевајќи се дека ќе ги спречи евентуалните лоши влијанија кои би можеле да предизвикаат Мартин јуниор да ѝ се врати на дрогата и(ли) да изврши самоубиство.

Како што времето одминува, пријателствата на Мартин постариот сè повеќе се затегнуваат и станува јасно дека Мартин помладиот треба да го напушти татковиот дом и да си живее свој живот.

 

Возрасна категорија: 12 години

Влезница: бесплатен влез

 

 

НЕДЕЛА НА ШПАНСКИ ФИЛМ

25 НОЕМВРИ (ПОНЕДЕЛНИК), 18:00 ч.

ЖИВОТОТ ПРОДОЛЖУВА

(El mundo sigue / Life Goes On)

Игран филм, Шпанија

1965, 121 мин., црно-бел, ДЦП

Режија: Фернандо Фернан Гомез (Fernando Fernan-Gomez)

Сценарио: Фернандо Фернан Гомез (Fernando Fernan- Gomez)

Улоги: Лина Каналехас, Фернандо Фернан Гомез, Гема Куерво (Lina Canalejas, Fernando Fernán Gómez, Gemma Cuervo)

 

Низ приказната за две сестри кои се обидуваат да успеат во животот, да ја најдат љубовта и да стекнат статус во Мадрид во раните 60-ти години од минатиот век во Мадрид, режисерот Гомез дава силен и реалистичен портрет на Шпанија од тој период. Тоа е време исполнето со омраза, завист, бес, алчност, насилство, прељуби, коцкање, просторуција, измами, лоша позиција на жените во општеството…

Заедно со претходниот филм на Гомез, НЕОБИЧНО ПАТУВАЊЕ (1964) – инаку, еден од омилените филмови на Педро Алмодовар – ЖИВОТОТ ПРОДОЛЖУВА најпрвин бил забранет филм. Мелодрамата со елементи на неореализам на Гомез била тајно прикажувана. За познавачите на филмот, ЖИВОТОТ ПРОДОЛЖУВА е скапоцен камен во шпанската кинематографија и една од најсилните осуди на режимот на диктаторот Франциско Франко.

 

Возрасна категорија: 12 години

Влезница: бесплатен влез

 

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

25 НОЕМВРИ (ПОНЕДЕЛНИК), 20:00 ч.

ТРИ БОИ: СИНО

(Trois couleurs: Bleu / Three Colors: Blue)

Игран филм, Франција / Полска / Швајцарија

1993, 98 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски, Кшиштоф Пјешевич, Агњешка Холанд, Славомир Иџиак (Krzysztof Kieślowski, Krzysztof Piesiewicz, Agnieszka Holland, Slavomir Idziak)

Улоги: Жилиет Бинош, Беноа Режан, Флоранс Пернел, Шарлот Вери (Juliette Binoche, Benoît Régent, Florence Pernel, Charlotte Véry)

 

Сензибилната Жули е во среќен брак со познатиот композитор Патрис, во кој имаат петгодишната ќерка. Додека семејството се вози во автомобил во ноќта, Патрис ја губи контролата над воланот и удира во дрво. Гинат Патрис и ќерката, а Жули е тешко повредена.

Уште додека заздравува во болница, Жули размислува за самоубиство, но сепак се решава да ја победи болката по изгубеното семејство на тој начин што ќе ги прекине сите врски од нејзиниот дотогашен живот. Ќе ја смести мајка си во старски дом, ќе ги спали партитурите на неизведениот „Концерт за Европа“ на нејзиниот сопруг, ќе го продаде имотот на село, ќе си го врати моминското презиме и ќе се пресели во Париз. Сака да побегне од сè што ја врзува за спомените на семејството и болните емоции. Во Париз ќе се спријатели со сосетката Лусил, ќе дознае дека пријателот на Патрис сепак сочувал копија од партитурите на концертот на сопругот, но и дека тој (Патрис) имал љубовница која очекува негово дете…

ТРИ БОИ: СИНО е првиот дел от трилогијата ТРИ БОИ, кои ги симболизираат боите на француското знаме и паролите за слобода (сино), еднаквост (бело) и братство (црвено). Филмот доби „Златен лав“ и уште шест други награди на фестивалот во Венеција, три награди Цезар, номинација за „Златен глубус“… Визуелно перфектен, суптилно режиран, со импресивната музика на Збигњев Преснер, ТРИ БОИ: СИНО спаѓа во ремек-делата на Кјешловски.

 

Возрасна категорија: 12 години

Влезница: 100 денари

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

26 НОЕМВРИ (ВТОРНИК), 20:00 ч.

ТРИ БОИ: БЕЛО

(Trois couleurs: Blanc / Three Colors: White)

Игран филм, Франција / Полска / Швајцарија

1994, 92 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски, Кшиштоф Пјешевич (Krzysztof Kieślowski, Krzysztof Piesiewicz)

Улоги: Згигњев Замаковски, Жули Делпи, Јануш Гајос, Јежи Штир (Zbigniew Zamachowski, Julie Delphy, Janusz Gajos, Jerzy Stuhr)

 

Полјакот Карол е во големи неволји откако неговата сопруга Доминик, Французинка, поднесува барање за развод, бидејќи предизвикал пожар во нејзиниот фризерски салон. Доминик е незадоволна сопруга, додека, пак, Карол е стаствено влубен во неа и опседнат од нејзината убавина.

Карол, исфрлен од домот и без егзистенција, питачи во париското метро. Единствен излез гледа во бегство назад во татковината. Неговиот земјак Миколај ќе го прошверцува во Полска во багажникот од автомобилот, и сега Карол на улиците на Варшава се занимава со различни нелегални работи. Не го напушта надежта дека ќе се збогати и ќе ѝ докаже на Доминик дека е достоен за нејзината љубов. Се одлучува да ги тестира нејзините емоции и ќе ја инсценира сопствената смрт…

ТРИ БОИ: БЕЛО е црнохуморна крими-комедија за која Кјешловски доби „Сребрена мечка“ на Берлинале и номинација за Европската филмска награда.

 

Возрасна категорија: 12 години

Влезница: 100 денари

 

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

27 НОЕМВРИ (СРЕДА), 20:00 ч.

ТРИ БОИ: ЦРВЕНО

(Trois couleurs: Rouge / Three Colors: Red)

Игран филм, Франција / Полска / Швајцарија

1994, 99 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски, Кшиштоф Пјешевич (Krzysztof Kieślowski, Krzysztof Piesiewicz)

Улоги: Ирен Жакоб, Жан-Луј Третињан, Фредерик Федар, Жан-Луј Лори (Irene Jacob, Jean-Louis Trintignant, Frédérique Feder, Jean-Pierre Lorit)

 

Младата и убава Валентина студира во Женева и работи како манекенка и фото-модел. Заради бројните обврски и честите патувања сè поретко се гледа со нејзиното момче, Англичанец.

Кога еден ден со нејзиниот автомобил ќе удри едно куче, Валентина помогајќи му на животинчето го запознава неговиот сопственик, стариот Жозеф Керн, поранешен судија. Неговото студено и загадочно однесување ја интригира Валентина. Керн е циничен и осамен човек чие омилено хоби му е прислушкување на телефонските разговори на соседите. По почетните несогласувања, Валентина постепено ќе почне да гради пријателски односи со Керн, сфаќајќи дека се сродни души.

Од судијата ќе дознае дека тој некогаш бил лудо вљубен во девојка што го изневерила со друг маж, па отишла со него во Англија, но загинала во сообраќајна несреќа. Истовремено, во соседството на Валентина живее младиот студент Аугуст, чија судбина на необичен начин ќе се спои со таа на Валентина…

Романтичната драма на Кјешловски беше номинирана за Оскар (за режија, сценарио и фотографија), за „Златен глобус“, БАФТА, Европска филмска награда… Режисерот изјавуваше дека ТРИ БОИ: ЦРВЕНО ќе биде негов последен филм, бидејќи остатокот од животот сака да го мине изолиран од светот, пушејќи цигари во неговата соба: две години по неговата премиера Кјешловски почина.

 

Возрасна категорија: 12 години

Влезница: 100 денари

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

28 НОЕМВРИ (ЧЕТВРТОК), 20:00 ч.

ДВОЈНИОТ ЖИВОТ НА ВЕРОНИКА

(La double vie de Véronique / The Double Life Of Veronique)

Игран филм, Франција / Полска / Норвешка

1991, 98 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски, Кшиштоф Пјешевич (Krzysztof Kieślowski, Krzysztof Piesiewicz)

Улоги: Ирен Жакоб, Халина Григлашевска, Калина Једрусик, Александер Бардини, Владислав Ковалски, Јежи Гудејко (Irène Jacob, Halina Gryglaszewska, Kalina Jedrusik, Aleksander Bardini, Wladyslaw Kowalski, Jerzy Gudejko)

 

Две сосем еднакви девојки имаат исто име – Вероник(а) (Weronika и Véronique, ги глуми Жакоб), но едната живее во Париз, а другата во Полска. Девојката од Полска има прекрасен глас, пее во хор и чувствува дека живее и друг живот. Таа се сели во Краков и случајно здогледува една девојка која личи сосем исто како неа.

Девојката од Франција, пак, има чувство дека еднаш умрела. За време на посетата на татко ѝ на село запознава куклар (Александар Бардини) и се вљубува во него. Вероника, пак, победува на еден конкурс, но за време на концертот паѓа мртва на сцената. Вероник и кукларот изнајмуваат хотелска соба, каде што водат љубов, а Вероник има чувствтво дека ѝ умрел некој близок. Прогонета од тоа необични и мачно чувство, Вероник одлучува да ја премине кариерата на соло-пејачка, станува професорка по музика и пишува книги за деца. Притоа, на една фотографија од своето патување во Полска, таа ја забележува истоимената девојка…

Ирен Жакоб беше наградена со „Златна палма“ за најдобра женска улога на фестивалот во Кан, додека Кјешловски ја освои наградата ФИПРЕСЦИ и наградата на Екуменското жири. Филмот беше номиниран и за „Златен глобус“.

 

Возрасна категорија: 12 години

Влезница: 100 денари

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

29 НОЕМВРИ (ПЕТОК), 20:00 ч.

БЕЗ КРАЈ

(Bez konca / No end)

Игран филм, Полска

1985, 107 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски, Кшиштоф Пјешевич (Krzysztof Kieślowski, Krzysztof Piesiewicz)

Улоги: Грацина Шаполовска, Марија Пакулнис, Александер Бардини, Јежи Радзивилович, Артур Барцис, Михал Бајор (Grazyna Szapolowska, Maria Pakulnis, Aleksander Bardini, Jerzy Radziwilowicz, Artur Barcis, Michal Bajor)

 

По смртта на сопругот, адвокатот Антек Зиро, преведувачката Уршула Зиро бара утеха за тагата посветувајќи им се на синот Јацек и на преведувањето на прозата на Џорџ Орвел. Добива повик од членовите на семејството на последниот клиент на мажот, притворениот организатор на штрајк Дарек Стах, на кои им требаат документи и правни совети за неговиот случај. Антек бил еден од ретките адвокати кои се одважиле да бидат бранители на политичките затвореници во Полска по 1981 година, а за да му помогне на Дарек, Уршула бара нов адвокат кој ќе ја продолжи работата на нејзиниот сопруг.

Дарек чека пресуда, во државата владее вонредна состојба, а движењето Солидарност е забрането. Уршула ќе го убеди колегата на Антек да се ангажира во случајот со Дарек, но тој бил во љубовна врска со Јоана, сопругата на затворениот Дарек. Уршула наскоро ќе сфати дека интензивното укажување на покојниот сопруг е некој вид предупредување…

По воведувањето на вонредната состојба во Полска повеќето режисери престанале да снимаат, а Кјешловски одел во судниците за да собира материјал за планираниот документарен филм за актуелните политички процеси. Така го запознал адвокатот Криштоф Пјешевич, кој ќе стане негов постојан соработник-сценарист. Драмата БЕЗ КРАЈ претставува и почеток на соработката на Кјешловски со композиторот Збигњев Преснер (Zbignew Preisner), чија музика ќе ги обележи сите подоцнешни дела на Кјешловски.

Возрасна категорија: 12 години

Влезница: 100 денар

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

30 НОЕМВРИ (САБОТА), 20:00 ч.

ЛУЗНА

(Blizna / The scar)

Игран филм, Полска

1976, 106 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Ромуалда Караси, Кшиштоф Кјешловски (Romualda Karasi, Krzysztof Kieślowski)

Улоги: Франтишек Пјечка, Мариуш Дмоховски, Јежи Штур, Халина Виниарска, Станислав Игар (Franciszek Pieczka, Mariusz Dmochowski, Jerzy Stuhr, Halina Winiarska, Stanislaw Igar)

 

Амбициозен партиски војник со преговори и уцени  успева да го протурка проектот за изградба на голема хемиска фабрика покрај малото провинциско гратче Олецка. За главен изведувач на проектот е именуван искусниот инженер Стефан Беднарз од Варшава,  морален и чесен човек кој некогаш живее во Олецка. Тој ги познава локалните прилики и население, жена му била партиска активистка во тој крај, но враќањето во Олецка не буди убави спомени кај нив. Две децении претходно жена му била на чело на локалната организација на комунистичката партија и била во судир со мештаните, а враќањето во провинцијата не ѝ се допаѓа ниту на нивната ќерка Ева. Кога ќе почне со елан да работи на спроведување на проектот, Стефан ќе влезе во судир со мештаните кои го гледаат сопствениот интерес…

Социјаната драма на Кјешловски освоила награди на Полскиот филмски фестивал и претставува навестување на новата фаза во творештвотот на дотогаш успешниот документаристички автор. Кјешловски целиот негов авторски век сметал дека снимањето документарци е најблагородниот начин на занимавање со филм. Кјешловски практично во сите негови полски игран филмови го користи документаристичкиот инстинкт.

 

Возрасна категорија: 12 години

Влезница: 100 денари

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

1 ДЕКЕМВРИ (НЕДЕЛА), 20:00 Ч. 

КИНОАМАТЕР

(Amator / Camera Buff)

Игран филм, Полска

1979, 112 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски (Krzysztof Kieślowski)

Улоги: Јежи Штур, Малгоржата Забковска, Стефан Чизевски, Ева Покас (Jerzy Stuhr, Malgorzata Zabkowska, Stefan Czyzewski, Ewa Pokas)

 

Во провинцискиот град Вјелице кон крајот на 70-те години од минатиот век, фабричкиот работник Филип Мош добива ќерка и тој настан го обележува со купување на 8 мм филмска камера. Со неа започнува да го снима растењето на ќерката. Филип бил сираче и сега верува дека му се исполнил сонот кој го сонувал во сиропиталиштето, да има среќно семејство со сопругата Ирма.

Но, снимајќи го секојдневието наоколу, Филип ќе почне со поинакви очи да ја гледа реалноста околу себе. Дополнителните проблеми настануваат кога локалниот шеф на комунистичката партија ќе побара од него да ја сними прославата на јубилејот на локалната фабрика. Фасцинацијата од можностите филмската камера го менува животот на Филип, но неговите шефови грубо ќе интервенираат во краткиот филм што тој го снима за фабриката.

Кјешловски со КИНОАМАТЕР го привлекол вниманието на меѓународната филмска критика и филмот е награден на фестивалите во Москва (ФИПРЕСЦИ и Златна награда), Берлин и Чикаго. Во овој филм Кјешловски на извонреден начин го спојува документаризмот со фикцијата и им дава ефектна посвета на филмските сниматели. КИНОАМАТЕР  е дело што на интелигентен начин се занимава со темата за цензурата во тогашна комунистичка Полска, како и со мотивот на политичката репресија на државата врз индивидуата со поинакви ставови и коментари.

Возрасна категорија: 12 години

Влезница: 100 денари

 

НЕДЕЛА НА ПОЛСКИ ФИЛМ: СВЕТОТ НА КШИШТОФ КЈЕШЛОВСКИ

2 ДЕКЕМВРИ (ПОНЕДЕЛНИК), 20:00 ч.

СЛУЧАЈНОСТ

(Przypadek / Blind chance)

Игран филм, Полска

1987, 114 мин., колор, ДЦП

Режија: Кшиштоф Кјешловски (Krzysztof Kieślowski)

Сценарио: Кшиштоф Кјешловски (Krzysztof Kieślowski)

Улоги: Богуслав Линда, Тадеуш Ломницки, Збигњев Запасиевич, Богуслава Павелец, Марзена Трибала  (Boguslaw Linda, Tadeusz Lomnicki, Zbigniew Zapasiewicz, Boguslawa Pawelec, Marzena Trybala)

 

Младиот Витек на железничката станица во Лоѓ се обидува да се качи на возот за Варшава. Витек трча по возот кој само што тргнал од перонот, и во зависност од тоа дали ќе се качи во него и кого ќе сретне во вагонот, ќе доживее три различни судбини.

Во првиот случај ќе се качи во возот и ќе го запознае стариот сталинист и ќе ја сретне бившата девојка која што сега е припадничка на илегалното антикомунистичко движење. Во вториот случај Витек ќе задоцни за возот, ќе го удри стражарот и ќе биде уапсен и осуден на еден месец затвор, по што ќе му се придружи на илегалното студентско движење и ќе започне љубовна врска со сестрата на стариот пријател од детството. Во третиот случај ќе задоцни за возот и ќе се врати на факултетот, а потоа ќе се ожени со Олга и ќе стане успешен лекар.

Оваа слоевита и интригантна омнибус драма е снимена во 1982 година, но заради цензурата премиерата ја доживеала пет години подоцна, со две награди на Полскиот филмски фестивал. Кјешловски во СЛУЧАЈНОСТ се манифестира како голем католички моралист, сензибилен уметник и општествен хроничар кои критичките опсервации ги пренесува низ фикцијата. Авторот ја тематизира неслободата на индивидуата и нејзината неможност да живее независно од политиката. На симболично ниво, критичарите во неговото дело ги препознале трите можни иднини кои стоеле пред Полска за време на снимањето на филмот.

Возрасна категорија: 12 години

Влезница: 100 денари

 

 

 

Leave a comment