На 7 ноември (сабота) со почеток во 18:00 часот на кинотечната програма е филмот „Хај-фај“ (Hi-Fi, 1987) на Владимир Блажевски, еден од петте дигитално реставрирани филмови македонски играни филмови објавени на ДВД носач.

Проекцијата на филмот е во чест на неодамна починатиот актер и продуцент Данчо Чевревски (1951-2020), кој во „Хај-фај“ оствари една од неговите позначајни улоги.

Секој посетител ќе добие подарок – ДВД издание со дигитално реставрираните играни и документарни филмови на Столе Попов.

Данчо (Јорданчо) Чевревски дипломирал на ФДУ во Скопје на отсекот за драмски актери. Актерство на филм усовршувал на Универзитетот УКЛА во Лос Анџелес, САД. Бил и декан на ФДУ.

Глумел во десетици македонски и југословенски филмови: 1975 АТЕНТАТ ВО САРАЕВО, актер, игран, Јадран филм Загреб, Кинема Сараево, Центар ФРЗ Белград, Студио Барандов Прага; 1981 ДОРОТЕЈ, актер, игран, ЦФС Кошутњак Авала филм Београд; 1981 ИЗЛЕТ ВО ТОПОЛА (PIKNIK U TOPOLI), актер, игран, РЗСФР Филм 80 Београд, Арт филм Београд, Унион филм Београд, Морава филм Београд, Инекс филм Београд; 1983 ИГМАНСКИ МАРШ, актер, игран, Центар филм Београд; 1983 ГОЛЕМИОТ ТРАНСПОРТ (VELIKI TRANSPORT), актер, игран, Неопланта филм Нови Сад, Sherwood Production и Инковент Лос Ангелес, Lanterna Editrice Рим; 1984 ОПАСНА ТРАГА (OPASNI TRAG), актер, игран, Центар филм Београд, Зета филм Будва, Виба филм Љубљана, Македонија филм, Вардар филм; 1986 ДОБРОВОЛЦИ (DOBROVOLJCI), актер, игран, Зета филм Будва, Дунав филм Београд, ТВ Титоград; 1990 СТАНИЦА НА ОБИЧНИ ВОЗОВИ (STANICA OBIČNIH VOZOVA), актер, игран, Центар филм Београд, ТВ Сараево…

Македонска филмографија на Чевревски ги содржи следниве наслови:

1976: Најдолгиот пат на Бранко Гапо (главна улога)
1977: Пресуда на Трајче Попов (главна улога)
1980: Оловна бригада на Кирил Ценевски (главна улога)
1981: Црвениот коњ на Столе Попов (главна улога)
1982: Јужна патека на Стево Црвенковски (споредна улога)
1984: Нели ти реков на Стево Црвенковски (главна улога)
1987: Хај-фај на Владимир Блажевски (главна улога)
1991: Тетовирање на Столе Попов (главна улога)
1997: Џипси меџик на Столе Попов (продуцент, главна улога)
2004: Илузија на Светозар Ристовски (споредна улога)…

Чевревски ќе биде запаметен и по неговите улоги во филмовите од понов датум: Панкот не е мртов (2008) на Владимир Блажевски, Деца на сонцето (2014) на Антонио Митрикески, Втора шанса (2019) на Марија Џиџева, а како еден од основачите на продукциската куќа „Триангл“ ги продуцирал и филмовите на Столе Попов, Џипси меџик (1997) и До балчак (2014).

Добитник е на повеќе награди: 1978 Годишна награда на весникот МЛАД БОРЕЦ – Скопје / „Најдолгиот пат“; 1981 Сојузна награда Седум секретари на СКОЈ / „Црвениот коњ“; 1987 Годишна награда за најдобро актерско остварување на ревијата ЕКРАН – Скопје / „Хај-Фај“…

 

 

 

Leave a comment