„ПЕТРУНИЈА“ НИЖЕ НАГРАДИ

Во пресрет на вечерашната гала-церемонија на 69 Берлинале, на која ќе се доделат главните награди, „Господ постои, името ѝ е Петрунија“ на Теона Стругар Митевска две доби награди на независните жирија. Тоа се наградата на Екуменското жири (“Ecumenical Jury Award”) и наградата на Здружението на германските кина за авторски филм (“Guild Film Prize”).

Продуцентката и актерка Лабина Митевска со членовите на Екуменското жири и нивната награда

Екуменското жири, составено од меѓународните филмски организации на Протестантската и Католичката црква ИНТЕРФИЛМ и СИГНИС, го награди филмот заради „… смелото портретирање на трансформацијата на обесправена млада жена во гласна бранителка на женските права. Кога Петрунија спонтано ќе се фрли и ќе го фати крстот што в река го фрла попот во црковниот ритуал за млади мажи, таа ги крши црковните и општествените традиции. Нејзиното првично одбивање да го врати крстот ја ослободува нејзината внатрешна сила во соочувањето со институционалните конвенции и го открива Бог во неа“.

Наградата на Екуменското жири досега ја имаат добиено врвни автори од калибарот на Андреј Тарковски, Вим Вендерс, Кшиштоф Кишловски, Мајкл Винтерботом, Браќата Тавијани, Михаел Ханеке (Andrei Tarkovsky, Wim Wenders, Krzysztof Kieslowski, Michael Winterbottom,Taviani Brothers, Michael Haneke)…