На 8 ЈУЛИ (петок), со почеток во 22:15 ч., на програмата на годинешниот фестивал CINEDAYS, во Кинотеката премиерно ќе биде прикажан дебитантскиот долгометражен игран филм REBIRTH: VOICE OF SILENCE на младиот македонски филмски автор Илија Павлов.
…
„Едно прашање, два одговори: Сами сме во универзумот или не? И, двата одговори се подеднакво застрашувачки…
Филмот REBIRTH, индиректно и метафорички поставува прашања за човекот како најинтелегентно битие на Земјата, за неговото постоењето, неговите навики, апсолутната љубов и енергија, психоделијата, смртта и што по неа, без да даде целосни одговори.
Павел, централниот лик е еден од неколкуте избраници на засега недопрената и непознатата интелегенција која нè контролира сите нас, без ние да сме свесни за тоа. Токму таа интелегенција е главната причина за осаменоста, изгубеноста и безнадежноста на Павел.
Љубљана, градот на мракот, е главниот причинител за чуството на безизлезност кое го обзема Павел, будејќи му сеќавања за неговата единствена и загубена љубов, Касија. Бегството не е решение, Павел не е свесен за тоа. Експериментирајќи со психоделични супстанци наидува на најмоќната од сите, ајахуаската. Тоа е почеток на неговиот крај…“ –, се вели во експликацијата на овој ентузијастички проект на Павлов.
…
Илија Павлов (1998) е македонски уметник и писател, и комплетен автор на своите филмови (сценарио, режија, монтажа и камера). На 18 години го снимил својот прв краток филм ПОИНАКОВ СВЕТ (Different world) и со тој филм бил примен на Академијата за театар, радио, филм и телевизија во Љубљана, Словенија. Набргу потоа ја основа својата продуцентска куќа „Персона филм“ преку која ги продуцира сите свои досегашни филмови: документарните БОРЕЦ (Fighter, 2016) и 1963: ДОБРА НОЌ СКОПЈЕ (1963: Good Night Skopje, 2020), краткиот игран филм ИЗЛЕЗ (Exit, 2016), како и повеќе од 50 експериментални кратки филмови во траење од 1 до 5 минути.
…
REBIRTH: VOICE OF SILENCE
Игран филм, Македонија
2022, 82 мин., колор, ХД
Режија: Илија Павлов (Ilija Pavlov)
Сценарио: Илија Павлов (Ilija Pavlov)
Улоги: Илија Павлов, Душица Настова (Ilija Pavlov, Dushica Nastova)
…
Чувството да сакаш некого, без способноста тоа да го искажеш создава немоќ, но во исто време ја отсликува апсолутната љубов. Сосема неочекувано, Павел слуша глас од далечина, тоа е милозвучниот глас на Касија по кој копнеел цели 3 години. Тие започнуваат интимна и континуирана комуникација за сè она што се случило и за сè она што треба да се случи, навлегувајќи длабоко во своите премолчени чувства и емоции.
Љубљана станува градот на светлината за Павел, и сите места што претходно ги доживувал како мрачни, побудувајќи му само спомени и носталгија, добиваат моментално присуство и значење како никогаш. Присуството на Касија му е првото повторно раѓање.
Постојано се поставува прашањето: Дали Касија навистина постои или е само креација во умот на Павел? Појавувањето на Касија не носи никакви одговори, со тоа таа ја открива својата мрачна страна и мистериозноста на оние кои нè имаат креирано и нè оставиле да талкаме во потрага по надеж, создавајќи „место“ каде надежта последна умира.
Павел е во постојана потрага по тоа магично „место“ каде сите желби стануваат реалност, „местото“ навистина постои и е прекрасно, но патот до таму е речиси невозможен, само неколкумина го имаат поминато. Павел не е свесен во што се впушта и нема одговор на прашањето: Колку пати треба да „умреме“ за да се родиме повторно? Shanti, shanti, shanti…
…
Возрасна категорија: 14 години
Влезница: Бесплатен влез