СЕЗОНА НА КЛАСИЧНИ ФИЛМОВИ: ЧЕШКИОТ НЕМ ФИЛМ „БЕЛИОТ РАЈ“ ОНЛАЈН НА 8 АПРИЛ

 

Во рамките на „Сезоната на класични филмови“, Асоцијацијата на европските кинотеки (ACE / Association des Cinémathèques Européennes) ви нуди уникатна можност бесплатно да проследите филмови од европските филмски архиви.

Оваа иницијатива е поддржана од 22 национални и регионални филмски архиви, со поддршка на „Креативна Европа“ (Creative Europe/Kreativní Evropa).

Следната проекција во рамките на оваа филмофилска иницијатива е во организација на Националниот филмски архив на Чешката Република (Národní filmový archiv):

На 8 април (четврток) во 17:00 ч. по средноевропско време ќе биде  прикажан немиот црно-бел филм БЕЛИОТ РАЈ (Bílý ráj / White Paradise) /1924, 73мин., со англиски субтитли/, проследен со музиката на чешкиот мулти-инструменталист Томаш Втипил (Tomáš Vtípil).

Проекцијата ќе може да се проследи на следниот линк: https://www.youtube.com/channel/UCb1x9pULHmmpa7B-MNB7Z3A

Регистрацијата за дискусијата е на следниот линк: https://us02web.zoom.us/…/reg…/WN_YS56duoNRlqMIUueRc8D8Q

БЕЛИОТ РАЈ е нем филм снимен во 1924 година – по сценарио на Карел Ламац и Мартин Фриц (Karel Lamac, Martin Fric) и во режија на Ламац, кој ја толкува и главната улога. Сторијата се одвива околу еден млад човек, кој е уапсен за злосторство што не го сторил, а ќерката на локалните сопственици на ресторан ќе се обиде да му помогне… Освен Ламац, во филмот настапуваат и Владимир Мајер, Ани Ондра, Јозеф Ровенски, Саша Доброволна, Јан В. Шпиргер (Vladimír Majer, Anny Ondra, Josef Rovenský, Sasa Dobrovolná, Jan W. Speerger).

Онлајн проекцијата ќе биде проследена со дискусија на тема „Класиката денес“ со почеток во 19:30 ч. Модератор на дискусијата е Михал Брегант (Michal Bregant) од Националниот филмски архив на Чешка, а панелисти се: Полина Рејзи (Paulina Reizi, Eye Filmmuseum, ACE), Жералд Душосој (Gérald Duchaussoy, Festival de Cannes, MIFC Lumière Festival), Ирена Лехкоживова (Irena Lehkoživová, ViPer Gallery), Барбора Кундрачикова (Barbora Kundračíková,  Museum of Modern Art, Olomouc), Томаш Гланц (Tomáš Glanc, (Zurich University), и Јиржи Турек (Jiří Tourek, Faculty of Humanities of the Charles University).

Leave a comment