„ЗЛАТЕН ГЛОБУС“ 2021: ПРЕДВИДУВАЈЌИ ГИ „ОСКАРИТЕ“

ЗЕМЈА НА НОМАДИ (Nomadland) на Клое Жао (Chloé Zhao) и БОРАТ 2 (Borat Subsequent Moviefilm) на Саша Барон Коен (Sacha Baron Cohen) доминирааа на 78. доделување на „Златните глобуси“, награди на странските филмски критичари во САД. Манифестацијата, очекувано, се одржа во виртуелно издание поради пандемијата на коронавирусот.

„Златните глобуси“ се сметаат за еден од посигурните индикатори за тоа кој ќе се закити со „Оскарите“, кои годинава ќе се бидат доделувани на 25. април, исто така во виртуелно издание. Сепак, „Златните глобуси“ не се единствени индикатори, бидејќи „Оскарите“ знаат да заминат кај сосем други личности и наслови.

Наградата за најдобар филм во категоријата драма ја доби филмот ЗЕМЈА НА НОМАДИ, а неговата режисерка, 38-годишната Клое Жао, родена во Кина а денес живее и работи во САД. Нејзиниот успех како женски автор се споредува со оној на Барбра Стрејсенд (Barbra Straisand) во 1984 година, но Жао е и првата Азијка што ја добила оваа награда.

За разлика од Жао, главната ѕвезда во филмот Френсис Мекдорманд (Frances McDormand) не успеа да биде најдобра актерка, туку тоа беше Андра Деј (Andra Day) за насловната улога во биографскиот филм САД ПРОТИВ БИЛИ ХОЛИДЕЈ (The United States vs. Billie Holiday) на Ли Дениелс (Lee Daniels).

БОРАТ 2 победи во категоријата комедија/мјузикл, а Саша Барон Коен ја доби наградата за најдобар актер.

Чедвик Боузман (Chadwick Boseman) посмртно доби „Златен глобус“ за најдобар актер во категоријата драма за својата последна филмска улога во МА РЕЈНИ: МАЈКА НА БЛУЗОТ (Ma Rainey’s Black Bottom), додека Розамунд Пајк (Rosamund Pike) е најдобра актерка во категоријата комедија/мјузикл за МНОГУ ГРИЖИ (I Care a Lot).

За најдобра споредна улога се наградени Даниел Калуја (Daniel Kaluuya) за ЈУДА И ЦРНИОТ МЕСИЈА (Judas and the Black Messiah) и Џоди Фостер (Jodie Foster) за МАВРИТАНЕЦОТ (Mauritanian). Најдобар филм од неанглиско говорно подрачје е МИНАРИ (Minari) на Ли Исак Чанг (Lee Isaac Chung), американски филм за корејски доселеници во САД („Златниот глобус“ се држи до старата категорија, за разлика од „Оскарите“, кои од минатата година наградуваат најдобар странски/интернационален филм).

Најдобра серија на „Златен глобус“, во категоријата драма – ја доби серијата КРУНАТА (The Crown). Потоа, серијата ШИТ‘С КРИК (Schitt’s Creek) беше прогласена за најдобра во категоријата комедија, а серијата ДАМСКИ ГАМБИТ (The Queen’s Gambit) за минисерија, при што КРУНАТА беше апсолутен победник – со актерските награди за Ема Корин (Emma Corrin), Џош О‘Конор (Josh O’Connor) и Џилијан Андерсон (Gillian Anderson). Стриминг-компанијата „Нетфликс“ (Netflix) доминираше на овие доделувања на „Зтални глобуси“.

Во продолжение е листата со номинираните и наградените (болдирани) имиња на „Златен глобус“ за 2021 година (овде и на англиски јазик):

 

 

 

 

 

———————————

ТЕЛЕВИЗИЈА:
———————————

Најдобар актер во ТВ-серија, мјузикл или комедија
Дон Чидл – „Black Monday“
Николас Холт – „The Great“
Јуџин Леви – „Schitt’s Creek“
Џејсон Судекис – „Ted Lasso“
Рами Јусуф – „Ramy“
…

Најдобра актерка во ТВ-серија – мјузикл или комедија
Лили Колинс – „Еmily in Paris“
Кejли Квоко – „Тhe Flight Attendant“
Ел Фанинг – „The Great“
Џејн Леви – „Zoey’s Extraordinary Playlist”
Кетрин О’ Хара – „Schitt’s Creek“
…

Најдобар актер во ТВ-серија – драма
Џејсон Бејтман – „Ozark“
Џош O’Конор – „The Crown“
Боб Оденкирк – „Better Call Saul“
Aл Пачино – „Hunters“
Метју Рајс – „Perry Mason“
…

Најдобра актерка во ТВ-серија – драма
Оливија Колман – „The Crown“
Џоди Комер – „Killing Eve“
Ема Корин – „The Crown“
Лара Линеј – „Ozark“
Сара Полсон – „Ratched“
…

Најдобар актер во кратка серија или филм за ТВ
Брајан Кранстон – „Your Honor“
Џеф Даниелс – „The Comey Rule“
Хју Грант – „The Undoing“
Марк Рaфало – „I Know This Much is True“
Итан Хоук – „The Good Lord Bird“
…

Најдобра актерка во кратка серија или филм за ТВ
Кејт Бланшет – „Mrs. America“
Дејси Едгар-Џонс – „Normal people“
Шира Хас – „Unortodox“
Никол Кидман – „The Undoing“
Ања Тејлор-Џој – „The Queen’s Gambit“
…

Најдобра ТВ-серија – драма
„The Crown“
„Lovecraft Country“
„The Mandalorian“
„Ozark“
„Ratched“
…

Најдобра кратка серија или ТВ-филм
„Normal People“
„The Queen’s Gambit“
„Small Axe“
„The Undoing“
„Unorthodox“
…

Најдобра ТВ-серија – мјузикл или комедија
„Emily in Paris“
„The Flight Attendant“
„Schitt’s Creek“
„The Great“
„Ted Lasso“

 

——————-

ФИЛМ:
——————-

Најдобар анимиран филм
„The Croods: A New Age“
„Onward“
„Оver the Moon“
„Soul“
„Wolfwalkers“
…

Најдобар филм – мјузикл или комедија
„Borat Subsequent Moviefilm“
„Hamilton“
„Music“
„Palm Springs“
„The Prom“
…

Најдобар филм – драма
„The Father“
„Mank“
„Nomadland“
„Promising Young Woman“
„The Trial of the Chicago 7“
…

Најдобар странски филм
„Another Round“, Данска
„La Llorona“, Гватемала/Франција
„The Life Ahead“, Италија
„Minari“, САД
„Two of Us“, Франција/САД
…

Најдобро сценарио
Емералд Фенел – „Promising Young Woman“
Џек Финчер – „Mank“
Арон Соркин – „The Trial of the Chicago 7“
Флоријан Зелер, Кристофер Хамптон – „The Father“
Клои Жао – „Nomadland“
…

Најдобра оригинална песна
„Fight for You„ – „Judas and the Black Messiah“
„Hear My Voice“ – „The Trial of the Chicago 7“
„IO SI (Seen)“ – „The Life Ahead“
„Speak Now“ – „One Night in Miami“
„Tigers & Tweed“ – „The United States vs. Billie Holiday“
…

Најдобар актер во филм – мјузикл или комедија
Саша Барон Коен – „Borat Subsequent Moviefilm“
Џејмс Корден – „The Prom“
Лин-Мануел Миранда – „Hamilton“
Дев Пател – „The Personal History of David Copperfield“
Енди Самберг – „Palm Springs“
…

Најдобрa актерка во филм – мјузикл или комедија
Марија Бакалова – „Borat Subsequent Moviefilm“
Кејт Хадсон – „Music“
Мишел Фајфер – „French Exit“
Розамунд Пајк – „I care a lot“
Ања Тејлор-Џој – „Emma“
…

Најдобар актер во филм – драма
Чадвик Боузман – „Ma Rainey’s Black Bottom“
Риз Ахмед – „The Sound of Metal“
Ентони Хопкинс – „The Father“
Гери Олдман – „Mank“
Тахар Рахим – „The Mauritanian“
…

Најдобра актерка во филм – драма
Виола Дејвис – „Ma Rainey’s Black Bottom“
Андра Деј – „The United States vs. Billie Holiday“
Ванеса Кирби – „Pieces of a Woman“
Френсис Мекдорманд – „Nomadland“
Кери Мулиган – „Promising Young Woman“
…

Најдобар режисер
Дејвид Финчер – „Mank“
Реџина Кинг – „One Night in Miami“
Арон Соркин – „The Trial of the Chicago 7“
Клои Жао – „Nomadland“
Емералд Фенел – „Promising Young Woman“

 

 

 

(Подготвил: С. Синадинов)