Филмот ЗЕМЈА НА НОМАДИ („Nomadland“) на кинеската режисерка Клои Жао(Chloé Zhao) освои три статуетки (за филм, режија и главна женска улога)и стана севкупен победник на доделувањето на „Оскарите“ 2021. Со тоа се остварија поголемиот дел од предвидувањата за годинешната поделба на наградите.
Жао е американскатарежисерка –родена во Кина –којастана првата Азијка и втората жена која некогаш се закитила со ваква награда.Политичката димензија не запира тука, бидејќи Кина (барем до сега) го премолча нејзиниот успех.
Годинешната церемонија, чие одржување во традиционалниот термин во февруари беше одложено, од продукциски аспект имаше хибриден карактер – во живо и со виртуелни обраќања –со ограничен број гости на традиционалната сцена во киното „Долби“ и со почитување на заштитните мерки поради „пандемијата“ со Ковид-19.
Во категориите за глума, покрај Френсис Мек Дорманд (Frances McDormand)со третиот „Оскар“ за главна женска улога, триумфираше и Ентони Хопкинс (Anthony Hopkins) со драмата ТАТКОТО (The Father). За најдобар спореден актер беше прогласен Даниел Калуја (Daniel Kaluuya) за филмот ЈУДА И ЦРНИОТ МЕСИЈА (Judah and the Black Messiah), а за најдобра споредна актерка, Јун Ју Јунг (Yuh-Jung Youn) за нејзината улога во МИНАРИ (Minari).
Филмот МАНК (Mank)иако имаше најмногу номинации, ја освои само наградата за кинематографија–Ерик Месершмит (Erik Messerschmidt). Во категориите за сценарио победијаМЛАДА ЖЕНА КОЈА ВЕТУВА / НАДЕЖНА МЛАДА ЖЕНА (Promising Young Woman) во категоријата за оригинално сценарио, и ТАТКОТО за најдобро адаптирано сценарио. Во категоријата за најдобар документарен филм победи МОЈОТ УЧИТЕЛ ОКТОПОД (My Octopus Teacher).
Најдобар странски филм е данскиот УШТЕ ЕДНА ТУРА (Another Round) на Томас Винтерберг (Tomas Winterberg). СОУЛ (Soul) победи во категоријата за најдобар анимиран филм, ТЕНЕТ (Tenet) победи во категоријата за најдобри специјални ефекти, додека во категоријата за најдобра монтажа и најдобар звук – наградите ги освои ЗВУКОТ НА МЕТАЛ / МЕТАЛЕН ЗВУК (Sound of Metal).
Еден од најголемите губитници е МАНК (Mank) кој од десет номинации освои само два „Oскари“, за кинематографија и сценографија.
Прегледот на добитниците во сите категории – може да го видите и на сајтот на Американската филмска академија,ОВДЕ):
————————-
Најдобар филм
„Nomadland“
Најдобра режија
Клои Жао (Nomadland)
Главна женска улога
Френсис Мекдорманд (Nomadland)
Главна машка улога
Ентони Хопкинс (The Father)
Споредна женска улога
Ју-јунг Јун (Minari)
Споредна машка улога
Даниел Калуја (Judas And The Black Messiah)
Интернационален филм
ANOTHER ROUND
Оригинално сценарио
PROMISING YOUNG WOMAN (Емералд Фенел)
Адаптирано сценарио
THE FATHER (Кристофер Хемптон и Флоријан Зелер)
Анимиран филм
SOUL
Долгометражен документарец
MY OCTOPUS TEACHER
Краткометражен документарец
COLETTE
Краток филм
TWO DISTANT STRANGERS
Краток анимиран филм
IF ANYTHING HAPPENS I LOVE YOU
Најдобра музика
SOUL
Најдобра оригинална песна
FIGHT FOR YOU (Judas And The Black Messiah, H.E.R)
Звук
SOUND OF METAL
Сценографија
MANK
Кинематографија
MANK
Шминка и фризура
MA RAINEY’S BLACK BOTTOM
Монтажа
SOUND OF METAL
————————-
Од аспект на продукциските куќи, интернет платформата „Нетфликс“ трета година по ред имаше најмногу номинации (годинава 36). Изминатите две години имаше слаб учинок со по два „Оскари“, а годинава освои 7 статуетки, најмногу од сите студија, од кои по две за ЦРНИОТ ЗАДНИК НА МАМА РЕЈН (Ma Rainey’s Black Bottom) и за МАНК (Mank). Сепак, не го освоија „Оскарот“ за најдобар филм, а „Нетфликс“ја пикираше и категоријата најдобар машки глумец, каде што посмртно беше номиниран Чедвик Босман за улогата во MA RAINEY’S BLACK BOTTOM.
„Оскарите“ секогаш се контроверзни колку што се и популарни, па пред годинешната церемонија, во „морето“ текстови што се занимаваат со ова признание од секаков аспект(дури и обложувалниците), еве еден кој ги рангира сите досегашни добитници, од најлоши до најдобри:изборот на авторот е прилично дискутабилен, но можете да ги споредите со вашите мислења…
(Подготвил: С.С.)
Leave a comment
Мора да се пријавите за да испратите коментар.