Më 2 tetor, në Qendrën për Kulturë në Tivat u hap zyrtarisht manifestimi “Ditët e filmit maqedonas në Mal të Zi”, me shfaqjen e filmit artistik “SHANSI I DYTË” (2019) me regji të Marija Xhixhevës.
Ky aktivitet përfshin programin e përzgjedhjes së filmave nga Kinoteka e Republika e Maqedonisë së Veriut, dhe do të zgjasë nga 2 deri më 6 tetor. Publiku malazez do të ketë mundësinë të shikojë edhe një film tjetër të Marija Xhixhevës – dokumentarin KËRKIMI I LUMTURISË (2010), pastaj një përzgjedhje e filmave të vëllezërve Manaki nën titullin MANAKI, TREGIM NË FOTO, si dhe filmat artistikë. PUNK NUK ËSHTË I VDEKUR (2011) nga regjisori Vladimir Blazhevski, PLUHUR (2001) nga Millço Mançevski, HOMO (2020) nga Igor Ivanov-Izi, SHËRUES (2017) nga Gjorçe Stavreski dhe MOTRA (2021) nga Dina Duma.
Manifestimin e hapi drejtori i qendrës kulturore në Tivat, Goran BozHoviq, i cili u uroi mirëseardhjen kolegëve nga Maqedonia e Veriut dhe kolegëve të Kinotekës së Malit të Zi.
“Jam shumë i kënaqur që Qendra e Kulturës në Tivat po pret manifestimin “Ditët e filmit maqedonas” në Mal të Zi. Duke pasur parasysh se ky është manifestimi i parë i këtij lloji që nga themelimi i Kinotekës së Malit të Zi, por edhe që nga themelimi i Kinotekës së Republikës së Maqedonisë së Veriut”, tha ai.
Para shfaqjes së filmit SHANS I DYTË, regjisorja Marija Xhixheva falënderoi Qendrën për kulturë Tivat: “Kam nderin që jam pjesë e këtij programi, i cili përbëhet nga filma të ndryshëm artistikë dhe dokumentarë maqedonas. Aq më tepër që filmat e vëllezërve Manaki janë pjesë e këtij programi, ata janë kineastët e parë në Ballkan. Do të keni mundësinë të shikoni filmat e parë që janë xhiruar në këto hapësira”, tha Xhixheva.
Ditët e filmit maqedonas në Tivat mbyllen më 6 tetor me filmin MOTRA, premiera e metrazhit të gjatë të Dumës.
