РЕТРОСПЕКТИВАТА НА СЛОВАЧКИОТ КЛАСИЧЕН ФИЛМ е навистина ретка можност за македонската филмска публика да добие суштински увид во историјата на една релaтивно блиска кинематографија, како словачката. Како што кажува и името на ретроспективата, тоа е селекција на класици на словачката кинематографија од периодот на комунистичка Чехословачка. Станува збор за филмови кои се репрезентативни за развојот на словачкото кино, кои оставиле огромно влијание врз современите словачки филмски автори или се стекнале со култен статус. Оваа ретроспектива е разновидна и возбудлива селекција на филмски лектири. Вклучува филмови од различни видови и жанрови (играни, документарни, анимирани и кратки филмови).
23 МАРТ (САБОТА) 20:00 ч.
Долгометражниот документарен филм од 1972 година СЛИКИ ОД СТАРИОТ СВЕТ (Obrazy starého sveta/Pictures of the Old World) на Душан Ханак портретира луѓе кои живеат на работ на општеството. СЛИКИ ОД СТАРИОТ СВЕТ беше изгласан во 2000 година од словачката критика како најдобар словачки филм на сите времиња. Исто така ќе имаме можност да ги погледнеме и кратките документарни филмови ДОЈДИ КАЈ НАС СТАР ШАТЕРЛАНД (Prišiel k nám Old Shatterhand) режиран од Душан Ханак и КРСТОПАТИ (Križovatky/Crossroads) во режија на Ладислав Куделка. Тоа се филмови кои го прикажуваат современието на комунистичка Чехословачка.
25 МАРТ (ПОНЕДЕЛНИК) 20:00 ч.
СЛУЧАЈОТ НА КОС БАРНАБАШ (Prípad Barnabáš Kos/The Barnabáš Kos Case) од 1964, во режија на Петер Солан, е сатирична комедија во стилот на најдобрите дела на чехословачкиот нов бран. Филмот го критикува лицемерието во тогашното словачко општество и ги илустрира трагикомичните последици од подемот и падот на еден совесен музичар.
26 МАРТ (ВТОРНИК) 20:00 ч.
КЛУЧНИ ГОДИНИ (Kristove roky/The Prime of Life) е дебитантски филм на режисерот Јурај Јакубиско, еден од најдобрите и најплодни словачки режисери со над 15 филма и 40-годишна кариера (во 2000-та година е изгласан за најдобар словачки режисер на 20 век). Филмот е под големо вилјание на францускиот нов бран и раскажува за бесцелноста на животот на еден млад уметник во Прага.
28 МАРТ (ЧЕТВРТОК) 20:00 ч.
Ќе се запознаеме со делото на Виктор Кобел, еден сестран автор – сценарист, режисер и аниматор и основоположник на словачката анимација. Ќе го видиме неговиот единствен долгометражен анимиран филм (воедно и првиот словачки долгометражен анимиран филм) БАНДИТОТ ЈУРКО (Zbojník Jurko/Brigand Jurko). Од Виктор Кобел ќе погледнеме и неколку негови кратки анимирани филмови: ПРОМОЦИЈА (Postup/Promotion), МИСТЕРИОЗНИОТ ДЕДО (Tajomný dedo/The Mysterious Old Man), ДВА ДОБРИ ПРИЈАТЕЛА (Dvaja dobrí kamaráti/Two Good Friends).
29 МАРТ (ПЕТОК) 20:00 ч.
НОЌНИ ЈАВАЧИ (Noční jazdci/Night Riders е филм од 1982 година на искусниот словачки режисер Мартин Холи. Тоа е своевиден вестерн, авантуристички спектакл кој се случува во Чехословачка непосредно по Првата светска војна.
